Galaqli Daqaaral Akkuk Geytimtah Tan Baxaabaxsale Buqre Taamoomit Gufne Aben.

 

Addis ababa Caxah Alsak 18/2018(ENA)Galaqli Daqaaral Akkuk Geytimtah Tan Baxaabaxsale Buqre Taamoomit Galaqli Daqaarak Naharsi Saqalah Yan Gifta Cammadu Qali Acmad Taama Gufne Abe.

Galaqli Daqaarak Naharsi Saqalah Yan Gifta Cammadu Qali Acmad Galaqli Daqarak Baxaabaxsale Aroocal Awayih Uddur Akkuk Geytinta Buqreera Axcihiiy, Qasa Basalih Buqreeraay, Cabcabaay, Muuz kee Qutbi Buqreerat Gufne Abak Maacise.

 

Tama Aracal Ummatta Gabat Agle kee Investimenti Caddol Assakat le Buqre Taamoomi Akkuk Geytintam Kassiiseh Yan Gifta Cammadu Qali Galaqli Daqaarak Baxaabaxsale Awdoodil Buqre Awash Weeqaytu kee Efeq Lee Akkuk Geytintah Tanim Ascassuk Daqaarak Baxaabaxsale Aroocal Qasa Basalih Buqreeraay, Cabcabaay, Muuz kee Qutbi Buqreera Akkuk Geytintah Tanim Qaddoyse.

 

Ciggiilak Buqreh Caddol Sanat 2018 liggidak 6 Alsih Addat Baxaabaxsale Buqreera Akkuk Geytintam kee Buqraabah Faxximmi Haytam Dayyoysak Ayyunti Gaba Makalak Yawquh Awayih Uddur Buqre Meqe Gurral Akkuk Geytintah Tanim Galaqli Daqaarak Buqree kee Ginô Gaddih Ku/Buxah Saqalah Yan Gifta Ibraahim Moyyale Qaddoyse.

Ellacaboluuy, Taa Buqreera Elle Akkuk Geytintam Biqiidaay, Gaframooy, Koddoqye kee Dabal Awda Kinnim Timixxige.