Neleson Mandellah Kassittoh Muuziyem Dooqaysen

 

Addis Ababa,Caxah Alsa 17,2018 (Ena) Dumaahih Gabbi Qaxih Afrikah Prezdenti Data Marih Cakkih Yingicille Nelsen Mandella Elle Aydakakanime Kolfe Federal Polisik Sissikuk Kalala Muggaqsime Kassitto Muuziyum Dooqaysen.

Tama Doqaysoh Tadderal Federal Poolisih Komishin General Demmelash Gebre Mikailiy Itiyoppiyal Gabbi Afrikah Prezdentih Yan Minobes Ke Seeco Akah Aben Qibini Elle Geytime.

 

General Demmelash Gebre Mikailiy Iyyemihi Itiyoppiyah Poliis Afrikakk Currino Gicloh Abteh Tan Hadafitte Tanim Ascassuk Baadak Data Marih Curriinoh Abbah Yan Nelsen Mandella Aydakakaniseenih Yaninimit Yaabe.

Nelsen Mandella Qado Marih Ko Amol Ayyoy Akah Soltannay Tonnah Data Marih Cakkih Soolot Yangaluh Faranji Liggidak 1962 Itiyoppiyal Alsitteh Aydakakan Beyak Sugem Ascassuk Tah Yaanama Itiyoppiyal Ku Amol Ayyo Gubat Gacewayte Baaxoy Baadak Data Marih Asta Akah Takkennah Tet Abtam Yescesse.

 

Ta Kassitto Muziyemi Itiyoppiya Kee Gabbi Afrikah Fanat Yanih Yan Fantaxaw Diggossam Kinnimiy Baxxaqse.

Itiyoppiya Afrikah Salaam Kee Nagayaniina Abak Geytimita Taamoomiy Baad Caddol Salaam Diggoowuh Leh Tan Gabah Assagollih Doori Kinnim Qaddoose.