itiyoppiyak Agat Tuxxiq Dacrisaanam Inkih Tan Itiyoppiyah Xayloh Dirki Kinni- Siyaasâ Missoynaanih - ENA Qafar Afa
itiyoppiyak Agat Tuxxiq Dacrisaanam Inkih Tan Itiyoppiyah Xayloh Dirki Kinni- Siyaasâ Missoynaanih
Addis Ababa; Caxah Alsak 17/2018 (ENA):Itiyoppiyak Agat Tuxxiiq Dacrisaanam Inkih Tan Itiyoppiyah Xayloh Dirki Kinnim Siyaasâ Missoynaanih Tiysixxige.
Itiyoppiyak Agat Tuxxiq Dacrisaanam Inkih Tan Itiyoppiyah Xayloh Ajenda Kinnim Ascassuk, Baxsaluk Agat Tuxxiiq Dacrisaanam Tu Taaxago Kee Siyaasâ Missoynaanih Masquuliyyat Kinnim Qaddoosen.
Tah Wagsiisak Anaakarta Siyaasah Massoynaani Baxaabaxsale Siyaasah Mablooliiy Baxaabaxsale Poliisitte Loonum Takkay Ikkah Itiyoppiyak Agat Tuxxiq Dacrisoonuh Abaanah Yanin Macalittel Sittin Way Allewaanam Itiyoppiyah Nabah Yan Asqassaabe Karrawwad Ceelallo Kinnim Qaddoosen.
Baxaabaxsale Siyaasâ Partitte Enah Elle Qaddoosennal Inkih Tan Ityoppiyah Xaylo Ityoppiyah Tuxxiiqi Dacrisoonuh Takkeh Tan Taamoomit Nagay Gabah Assagolla Haanam Faxximtam Kassiisen.
Curriyyat Kee Inkigid Akkiyyi Partik Ummattah Angaarawih Saqalàh Tan Gifti Nebiha Macammad Elle Qaddossennal Ta Missoyna Ityoppiyah Inkittiino Daabissam Dudda Ciigidat Nagay Yan Agabh Assagallo Abak Geytimaanam Qaddosse.
Ityoppiyah Ayyunti Sarriino Le Gurral Qidaddok Isinni Duudunih Ityoppiya Esserak Geytimita Baddi Furdah Essero Qoklak Geytimaanam Qaddosse.
Tiyoppiya Wararah Temeeteh Tan Caylitte Itiyoppiyah Xaylo Agataay, Diini Kee Nado Baxse Kal Ityoppiyah Xaylo Sitta Geyak Agat Muddaqiino Daabiseenim Ascassuk Ityoppiyak Baddi Furdal Woo Aydaadi Qagitam Faxximtam Qaddosse.
Amaara Demokraasih Caylih Angagoyyih Saqalah Yan Tesfahun Alemneh Is Le Katuk Iyyeemih Faxe Siyaasa Baxsak Itiyoppiyak Agat Tuxxiiq Dacrisaanam Daga Raqtam Ascassuk Siyaasa Baxsitte Agatv Tuxxiq Qawwalayat Qiddam Mafaxximtam Qaddoose.
Agat Tuxxiqit Boodanam Muddaqiinot Yakke Bood Kinnim Diggoosak Ni Parti Itiyoppiyak Agat Tuxxiiqi Dacrisoonuh Faxe Fida Mekeltuh Gulgulluh Geytimita Axcuk Tam Saqal Qaddoose.
Wollene Ummattah Demokraasih Partik Saqal Faysel Qabdulaziz Elle Qaddosennalaay, Baddi Furdah Essero Ummattah Essero Kinnimil Yaamineenim Ascassuk, Ta Missoyna Baddi Furdah Ikoytiinoh Essero Raddi Geyya Haytam Fanah Faxximta Macalitte Abak Doolat Xaqut Soole Loonum Yiysixxige.
Qusba Horah Partih Pirezdant Yan Suleymaan Tafesse Iyyeemih Agat Caddol Tan Ajenxitte Agat Tuxxiq Rakiibol Rakuh Tanih Umman Waqdi Gulgulluh Geytimaanam Qaddoose.
Ta Missoyna Daddoosuy, Salaam Kee Baaxoh Caagiidah Naharsiino Acyuk Taamite Loonum Ascassuk.Agat Tuxxiq Wagittaamal Doolat Luk Cattiimak Taamite Loonum Qaddoose.