Warraye Malcina Alsitteh Addat Yangalen Culentak 71.33 Biliyoonih Birri Takke Lakqo Rakaakayitte Fanah Tabsaanam Duudumte - Federeshin Malah Buxak Caxah Afteena Ageynuh Teshaager. - ENA Qafar Afa
Warraye Malcina Alsitteh Addat Yangalen Culentak 71.33 Biliyoonih Birri Takke Lakqo Rakaakayitte Fanah Tabsaanam Duudumte - Federeshin Malah Buxak Caxah Afteena Ageynuh Teshaager.
Addis Ababa Caxah Alsak 16/2018 (ENA) 2018 Mizaaniyyat Liggidakm Warraye Malacina Alsitteh Addat Yangalen Culentak 71.33 Biliyoonih Birri Takke Lakqo Rakaakayitte Fanah Tabsaanam Duudumteh Tanim Federeshin Malah Buxak Caxah Afteena Ageynuh Teshaager Qaddoose.
Federeshin Malah Buxa Qokol Mizaaniyyat Kee Yangalen Culenti Wagsiisak Maytani Makaado Rakaakayitte Kee Federaalak Wagita Dagorittey Yangalen Culentih Xiinissoh, Kobahisso Kee Abbinos Wagittaamal Maaliyyah Oxit Gabbaaqu Wagsiisak Walal Gexsak Geytiman.
Federation Malah Buxak Caxah Afteenah Ageynehu Teshaager Elle Qaddosennal Federal Kee Rakaakayitte Doolatiuh Fanal Yan Yangalen Culenti Xiinisso Kee Kurriyye Siirat Diggoosoonuh Xaloot Leh Tan Taamoomi Tekkeh Tanim Qaddoose.
Culenti Kee Maqaddin Malaak Qusbih Sittaluk Yangalen Culentih Baxisiyyeh Maknay Abinosanam Kee Culenti Tabaatabsih Siirat Yasissikeh Yan Qasri Teknoloji Dadlisak Malah Buxah Margaqah Xaloot Leh Tan Taamoomi Abbinoosak Kaxxa Doori Digirak Geytimaanam Qaddoose.
Akaakay Doolatittek Culenti Dadalak Geytimam Taturte Koona Sanatih Addat Sittallakle Taamah Siirat Culenti Siiratat Maysaasa Abeenik Gamadal Rakakayitteh Caddol Culnti Dadalal Amballyuk Geytimam Asacssuk, Yangalen Culentih Caddol Maysaasa Abaanamak Dumal Amolladih 4.2 Biloonuk Sugteh Rakaakyitte Lofti 2017 Mizaaniyyat Liggidah 91.73 Biliyoonih Birri Fanah Fayya Iyyem Yiysixxige.
2018 Mizaaniyyat Liggidak Warraye Malacina Alsitteh Addat Yangalen Culentak 71.33 Biliyoonih Birri Takke Lakqo Rakaakayitte Fanah Tabsaanam Duudumteh Tanim Qaddoose.
Federaal Kee Rakaakayitte Yangalen Culentih Exxaaxi Fayya Le Maqaddin Gadday Daddos Gadditey Royalty Culentittiey Fayya Le Dadala Amballyuk Geytima
Federaal Kee Rakaakayitte Doolatih Fanal Ginniimeh Geytima Maqarle Sittin Qokoliyya Oggoysima Leh Yan Agat Caddol Akkuk Geytima Milaagi Siiratih Hadaf Arac Xaguh Kaxxa Doori Digrak Geytimaanam Qaddoose.