Ityoppiyak Mabbalow Komshiini Bacar Alsitteh Addat Hangi Akah Acyuk Abbinoosnu Waana Lafale Caagida.

 

Itiyoppiyak Ummattah Awlaytiitih Malah Buxah Caxah Alsak 11 Sanat 2018 Gexsen Sissik Koboxul Itiyoppiyak Agaarad Komshiini Warraye 4 Sanatih Addat Tekkeh Tan Taamah Abbinos Kussaaqisak Ratqeh Tan Taamoomi Cubbit Haak Komshiinik Taama Wakti Ossitnah Bacar Alsa Edde Haak Fooca Yexeerenim Tamixxige.

Tahak Ugutak Ta Kommission Isi Masquuliyyat Akah Yawqen Innah Yeceenih Yanin Ossotinah Bacra Alsih Addat Ciggiltah Tan Makcaggur Le Caagiida Abbinoose Lonu.

Tigray Rakaakayal Agatak Mabbalow Komshiini Gexsit Gexsaanam.

Baxaabaxsa Le Ajenxaaxi Komishiinik Malah Buxal Xayyoosak, Elle Faxximta Gurral Missoosak Agat Caddol Mabbalowiyya Ajenxitte Ummattah Qaddoysaanam.

Agatak Agaarad Komshiini Kobxuh Walalisa Kee Missoyseenit Baxisak Aydakaakanisaanamay Agatak Agaarad Komshiinih Gaaboynah Gulugulluh Gaacanam Faxximta.

Agatak Mabbalow Komshiinil Fayuh Xayyowta Mablooli Diggoosak, Fayi Mablooli Elle Faxximta Gurral Missoosak Ken Abnisso Lowsiisaanama.

Agat Caddol Uguugus Gudguditteh Tû Ced Taamoomi Baarisak Faxxiima Gabah Assagolla Edde Akah Yallennah Abaanam.

Sanaditte Xijital Fanah Korisak Guddusiyya Baarisaanama.

Tahak Ugut Abak Ta Komishin Tature Affara Sanatih Addat Tekkeh Tan Taamoomil Baxaabaxsale Wagitta Dagorittek Faxxiimah Yan Qokol Geyak Sugeeenim Ascassuk, Fooca Fanah Raaqe Wakti Addat Aboonuh Waanah Yanin Taamoomih Qokol Wagitta Dagoritte Diggoose Loonumih Kibal Loonum Komshiini Qaddoose.