Agatak Mabbalow Komshiini Agat Caddoh Sittingey Ginak Itiyoppiya Fayyale Caddo Fanah Tabisoonuh Kaxxa Doori Le.

 

Addis Ababa; Caxah Alsak 13/2018 (ENA): Agatak Mabbalow Komshiini Agat Caddoh Sittingey Ginnaanamay Itiyoppiya Fayyale Caddo Fanah Tabisoonuh Kaxxa Doori Lem Ummattah Awlaytiitih Malah Buxah Adoytah Yan Ambasadder Diina Mufti Qaddosse.

Mabbalow Addat Dudda Gablusiyya Diggoosak Agat Daddosih Dadalal Yassisikoonuh Ossotinah Dudda Akkele Qaddoosse.

Ummattah Awlaytiitih Malah Buxak Adoytah Tan Ambasadderih Yan Diina Mufti ENA Elle Qaddosennal Agatk Mabbalow Siirat Ityoppiyah Ayyunti Sitta Elle Geewaana Caagiida Baxisaanam Kee Tasgalle Daalisso Ginak Sarrimaane Le Gurral Calli Aboonuh Kaxxa Doori Lem Qaddoose.

Agatak Mabbalow Siirat Baaxoh Giddaanimiy Nagale Kinnim Inkih Tan Agat Xaylo Cedak Baaxoh Caddol Tamublluye Taqbitte Sarriino Le Gurral Calli Aboonuh Qaada Nihirittet Yantifqimeenim Faxximtam Kassiise.

Agatak Mabbalow Siiratih Addat Tan Tuxxqittek Tiyak Teena Fanat Baxsitte Sugteh Ajenxitte Gaaboosak Sitta Fanah Baahak Sitta Gey Elle Abooonuh Kaxxa Saami Edde Yanim Qaddoose.

Ambasadder Diina Mufti Elle Qaddosennalaay Agatak Mabbalow Siirat Baaxo Daddoosuy, Ximokraasiy, Doolat Xisney, Amniy, Salaam Kee Kalah Tan Agat Muddaqiino Kee Tuxxiqit Axwah Tan Caagiidal Inkih Tan Baaxo Xaylo Inki Qaynatih Cuso Kee Fayxi Akah Yallennah Uguugus Akkalem Qaddoose.

ENA Xijital Rettaamih Golitte https://linktr.ee/ENADigital