Agatak Mabbalow Komshiini Tasgalle Daalisso Diggoosak Sarramaane Le Gurral Taqbitte Yafdigoonuh Taamitak geytiman.

 

Addis Ababa Caxah Alsak 13/2018 (ENA):Agatak Mabbalow Komshiini Tasgalle Daalisso Diggoosak Sittin way Sarramaane Le Gurral Yafdigoonuh Taamitak geytimaanama Metu Jaamiqatih Tû Taaxago Qaddosse.

Agatak Mabbalowiyya Komshiini Tanih Tan baxsitte Ceynoysak Dumaak sugteh Tan Taqbitte Sarriino Le Gurral Fidga Aboonuh Agat Sittin gey Abak Yangalen Daalisso Ginnaanam Faxximta.

Metuh Jaamiqatih Barseenay tonnah Kusaq Abeenah Yan Beddesa Amsalu Iyyeemih Agat Caddol Tasgalle Daalisso Ginak Taqbitteh Sarriino Le Gurral Walal Yafdigoonuh Agatak Agaarada komshiini Kaxxa Doori Digrak Geytimam Qaddoose.

Agat fayxi kee Tuxxiiqitte Naharsiino acyuk Yangalen Ajenxa Ginak Abbinoosonuh Sitta luk Cattiimak Taamitaanam Faxximta Yescesse.

Ayyunti Agatak Agaarada komshiini siiratat Faxximtah Tan Gabah assagolla Edde Haak Baaxoh Caddol Sarriino le Salaam Baarisoonuy

Mabla Dag raaqiyyal Taamineh Tan Siyaasa Gexsit Ginnoonuh Isinni loftak yawqeenim faxximtam kasiisse.

Tonnah Jaamiqat Barseenah Yan Sabiit Zenu Isil Katuk Iyyeemih Agat Caddol Tasgalle Daalisso Ginnoonuy Qubsah Tan Mablooli Racisak Agat Sarriino Tayseh Tan Mablal Sittin Gey Aboonuh Kaxxa Doori lem qaddoose.

Numma Le Daalisso Ginte Baaxooxa Daago Taqbitteh Calli Abak Kalalitoonuh Kaxxa Doori Lem Ascassuk Ityoppiyah Siyaasa Sarrimaane le gurral Tu Walal Yafdigeenimih siirat Maqarroosak Dadalateh Sarriino Le Salaam Le Baaxoy Inkittinaane Le Taamate Horal tabisoonuh Kulli Numu Isi Loftak Yawqem Faxximtam Kassiise.