Qunxa Hora Baaxoh Inkittinaane Dacarisak Agat Dadalah Taamitaanam Faxximta-Danele Jotte Mesfin.

 

Addis Ababa; Caxah Alsak 12/2018 (Ena):- Qunxa Hora Inkittinaane Maqarroosak Inkih Tan Baaxoh Dadalah Taamitaanam Faxximtam Itiyoppiyak Dumaahi Agiira Kee Baaxo Kacni Eglak Pirezdantih Baxi Danele Jotte Mesfen Qaddoose.

89hayto Addah Caxah Alsak 12 Shodah Ayroh Massakaxxah Taddeera Addis Ababak 6 Killo Geytima Dareen waydalih Foocal Assakaxxuk Geytiman.

Tama Taddeeral Mangoh Tan Giclo Abeenit Kee Seeco Akah Aben Qibinitte Elle Geytimite

 

Itiyoppiyak Dumaahi Agiira Kee Baaxo Kacni Eglak Pirezdantih Baxi Danele Jotte Mesfen Iyyeemih Dumaahih Giclo Abeenit Meklete Fida Ityoppiyah Muddaqiino Kee Inkittinaane Akak Dacrisak Horal Tabisaanam Abeenim Qaddoose.

Away Tan Horak Sarramaane Le Salaam Kee Amni Dacarisak Qasri Faxsiisah Yan Daddos Diggoosak Inkih Tan Baaxoh Dadalah Taamitaanam Faxximtam Kassiise.

Dumaahih Giclo Abeenit Ityoppiyah Curriyata Kee Muddaqiino Dacrisoonuh Abak Sugen Qeero Le Giclo Away Yan Horah Kaxxa Baritto Takke Abto Kinnim Kassiise.

Kulli Liggidal Nassakaxxe Shohoda Ayro Kassitto Dumaahih Giclo Abeenit Baaxoh Mekelak Temeete Fida Tamaate Hora Baaxo Konnabna Kee Baaxo Kacnu Maqarroosonuh Kaxxa Doori Lem Qaddosse.