Turkiya Kee Itiyoppiyah Fanat  Fantaaxaw Fayya Le Caddo Gufeh Geytima. 

 

Namma  Baaxoh Fanat Yan Fantaaxaw  Mango Dabaanah Raageh Yan Qalla Kinnim Ascassuk Tature 20  Liggiditteh Addat Nagay Diggoowak Yemeetem  Baxxaqisen.

Otban Impaayerih Daboonak Xabba Haanam Turkiya Kee Itiyoppiya Baxsale Qalla Luk Temeete Namma Baaxo Kinnim Yescesse. Tama Qalla Awakih Uddur Fayya Haak Tayse Caddo Fanah Dadlisak Geytimaanam Baxxaqisen.

Turki Itiyoppiya Lih Leh Yan Fantaaxaw Baxsa Bahsissam Duddaamak Tiyak Teena Aydaaduk Lon Qalla Kee Irô Mawqah Afrikak Qimbih Embaasi Elle Faktem Itiyoppiya Kinnih Taniimit Yaaban. 
Itiyoppiya Afrikah Qaran Gubal Lafa Le Istioraatejik Wadaytoh Tableh Tan Turkiyaay, Taham Akah Diggowtannah Absiisan Qimboh Taama Kinnih Tanim Yescssen.

Tellemmo Kee Investimenti Luttel Itiyoppiyal  Qimboh Caddo Tabbixem Turkiyah Inveterwa Kinnim Yescssen. Baxsaluk Sartan Kee Manufakcherigih Luddal Qimboh Caddol Tanim Yescessen. 

Turkiyah Perzexenti Rajab Tayyib Ordogaan Kimal Itiyoppiyat Abeh Yan Gufne Namma Baaxok Aydaadi Qalla Kee Namma Baaxoh Angaaraw Tayseh Tan Caddo Akah Gufusan Innah Abtam Kinnim Baxxaqisen.

Naharsi Malaak Abiyyi Acmad Kee Turkiyah Perzexenti Rajab Tayyib Ordogaan Fanal Yekkeh Yan Walal Maddur Kee Ayrô Mawqah Afrikak Amani Kee Nagaynaan Wagittaamal Baar Luk Walaleenim Timixxige. Baxsaluk Baddi Afa Itiyoppiya Geytam Itiyoppiyah Leh Tan Tuxxiq Cubbit Haak Itiyoppiyah Baddi Afa Taguudeemil Sitta Geenim Yiysixxigen.Taham Kaadu Kulli Baaxok Kataysiinu Kee Qallal Rakuh Anuk Takkem Faxximtam Yescessen.

Perszexenti Kee Usug Miraacisak Sugeh Yan Erga Namma Baaxoh Fanih Tuxxiq Akah Daccarsima Innah DiggaLe Macal Abe Loonum Itiyoppiyak Doolat Angaawarih Ayfaafayih Malaak Qaddoyse.

Itiyoppiyak Doolat Angaawarih Ayfaafayih Malaak Qaddoyse.