Leedâ missoynak Qafar Rakaakayih Luddih kutbeh buxah 7Heele Agat Caddoh Dooroh Aysaxaaxagih Taddeera Gexisak Geytiman.

Addis Ababa Caxah Alsak 10,2018,(ENA)Leeda partik Qafar Rakaakayih Luddih Kutbeh Buxa 7 Heele Agat Doorok Manifesto kee Dooroh Astak Aysaxaaxag  Taddiira Dubti Daqaaral Sirray Buqreh Addal Gexsen. 

 

Ta Taddiiral Rakaakayak Naharsi Saqal Massakaxxa le Cajji Awwal Qarbay, Rakaakayak Fayya le Miraaciinuy, Rasuy, Daqoorit Miraaciini elle geytimak Gexsen. 

 

Tama taddiirah Aracal Rakaakayak Naharsi Saqal massakaxxa le Cajji Awwal Qarba Leeda Parti Itiyoppiyah Ummatta Siyaasay, Madduruy, Ayyuntiinol edde Sugteh tan xukkok Ayyaaquk Agat inkittinaane kee Curriino Xisse parti  kinnih tanim qaddoyse. 

 

Leeda Parti Naharsi Doorol Abeyyo itteh Ummattah  Culteh tan Xaganak Aracat haytem kee Heewatem kusaaqisak fooca fan taysem  Abtuy, qusbam geysissuh  Ekraarol taamitak geytimtam  baxxaqise. 

 

Doorol  Dimokraasih Siiratih Xisne kee Ummattah Amobbaxxaqqa Abinal Diggowtuh Baxsa le Hangi Acayuk taamitak geytimaanam yescesseh yan Naharsi Saqal Cajji Awwal Qarba Salaam Diggoysaanam kee Ummatta kee Baaxo  Milaagtam xiqtah tan Daddos taamoomiy Akkuk geytimta  Diggoysak gexeloonum qaddoyse. 

 

 

Leeda Partik Qafar Rakaakayih Luddih Ku Buxah Saqal Gifta Macammad Cuseen Leeda parti Qokol Parti (Aggaar) Migaaqal itiyoppiyah Ummatta Kee Baaxo Baxisseh Sugte  Kaamol Ayyo Siyaasak Currih Teyyeeqeh parti itiyoppiya inkittinaane Fanah Bahte kinnih tanim yescesse. 

 

Leeda Parti   Itiyoppiyal Gesittu waytah tan 7 heele Agat Dooro Salaamah kee Qasriino le Gurral takkuh Takkuh Faxxiima bica kee  Gulgulusso Abteh geytimtam Diggoose.