Naharsi Saqal Cajji Awwal Qarba Hijra Loowok 1447 Heele Raamadaan Alsa Wagsiisak Unkaqiino Farmo Tatruse .

 

Addis  Ababa  Caxah-Alsak 09,2018(ENA)Qafar Rakaakayak Naharsi Saqal Massakaxxa Le Cajji Awwal Qarba Hijra Liggidih Loowok 1447 Heele Raamadaan Alsa Wagsiisak Muslimiiin Ummattah Unkaqiino Farmo Tatruse .

Massakaxxa le Cajji Awwal Qarba Tama Unkaqiino Farmol Iyyeemih Konnabna le Qafar Ummattaay Tonnah Baadal Geytinta Muslimiin Ummattak Unkaq Hijra Liggidih Loowok 1447 Heele Raamadaan Alsih Soomuh Salaamah Sin Sugsem .Ta Nabah Yan Alsi Racmat kee Kookaxanuuy, Xuwaw Leh yan Alsa Kinniimih Sabbatah , Yalli Subcaanahu Wataqaalah Qhur'aanal Kah Iyyennah " Kee Yeemeneh yan Maraw Yallak Meysittaana Gidah Soom Siinil Madaqne, Siinik Dumi Maral Kah Madaqnennah " ( Al,Baqhra :183 ) Axcuk Nel Madqinteh tan Qibaada Kinni.

Soom Yaanam Lee Kee Qaysok Waasimaanam Dibuh Hinnay ,Misinkica Qadli kee Meqeemih Elle Bicisnah Nan Kaxxa Alsa Kinnuuk Ta Alsih Addat Ninni Qibaadah Gulguluh Haynam Faxxinta .

Qafar Rakaakay Makcagguuruk Yan Madduur Faydat Ni Baaxoh Leeh Itiyoppiyah Kaxxa Doori Lem Kinnuuk Linoh Nan Gino Gadda Abinah Leeda fan Korisak Salaamah Ukummo Daffeesaanam Faxxinta .

Ramadaan Kaaduk Salaam Ceelallo Kinnuuk Nabiyyi Macammad )S.Q.W) Neh Fiiriseh Yan Gital " Siinik Numuk Teeni Soomuh Anih Umaamat Mayaaba, Mabakcarrita, Faxe Num Kaa Xaafamah Anu Soomuh an " Iyya (Bukheer kee Muslim ) Axcuk Sabri kee Xiiq Leh Yan Faydat Neh Warisa .

Taa Nabiyyi Macammad )S.Q.W) Cadiis Ni Rakaakayih Addat Baxaabxsa le Sababitteh Uguttah tan Kookaxawitte Walal kee Toobokiini Gital Nafdiguh Sakayi Neh Yakke .Tohih taagah ta Soom Kookaxaw Illacabooy, Wagari Qimbo Abnam Sin Kassiisa .

Ni Rakaakayih Addat Abnah Nan Ayyuntiino Kee Madduur Milaagitte Maysol Aract Haynuh ta Alsih Addat Tambulluyeh tan Siita Qokoliyya kee Catotta Taamoomi Qaadah Haysitak Baxsa Luk Dacarsittoh Xiinah Ayyunti Rosqa Milaagu Kee Mano Qhala Luk Abah Yan Giclo Saahillosnuh Siita Luk Taamitaanam Nek Faxxinta .

Tellemmo Abeenit Raamadaan Barkat Hangit Haak Ummattal Qadaagah Ossotina Abaanamak Isinni Dacrisak Masaakin Kee Cayla Dagoytiit Xaqut Gacaanam Faxxintaamih Farmo Keenih Tatruse .

Soom Taamat Adaf Sinaamay Yakkem Hinnay ,Murti Kee Murtisso Uguugusam Kinnuuk Ni Rakaakayih Addat Akkuk Geytinta Daddoos Cugaysoosa Tayse Gurral Kah Abbinowtannah Abaanam Faxxinta .

Illacaboh ,Qunxaaneyti Ta Nabah Yan Ramadaan Alsih addat Umah tan Walfitte ,Soom Taggilem Xiqta Caagiidak Axxeeruk Ni Rakaakayih Salaam kee Dadal Dacrisaanam Faxxintam Kassiisak Ta Alsi Ni Rakaakay Takku Baaxo Caddol Ciggil ls Salaam Edde Silisaah, Gaba Dagoytiit Edde Naskameeh Inkih Inkittinaanel Leeda Xaqut Edde Gacna Neh Takkay . 

Raamadaan Mubaarak