Muslimiin ummatta ramadhaan Alsih Addat meqe Taamoomi abak Tatrusaanam Faxximta- Cajji Ibraahim Tuufa.

Addis Ababa; Caxah Alsak 9/2018 (ENA):Muslimin Ummatta Ramadhaan Alsih Addat Meqe Taamoomi Abak Tatrusam Faxximtam Itiyoppiyak Islaaminnâ Caagiidak Daga Raqta Malah Buxah Pirezdantih Yan Cajji Ibraahim Tuufa Qaddoose

Ityoppiyak Islaaminnâ Caagiidak Daga Raqta Malah Buxak Pirezdantih Yan Shek Cajji Ibraahim Tuufa Nabah Yan Ramadaan Alsa Wagsiisak Maybalaalaqa Yece.

Tama Maybalaalaqal Ramadan Alsa Soomanam Islaminna Ruknittek Tiyak Teena Kinnuuk Kulli Muslimiti Akah Soomannah Yalli Nel Amrise Alsa Axcuk Yescesse.

Ramadana Inkittinaaneh Alsa Kinnim Yescesse Cajji Ibrahim Tufa Ramadan Alsi qafuutay,xuwaw Kee Ayyuntiino Fantaaxaw Uddur Kinnim Ascassuk Kulli Muslimti Meqem Taamal Akah Tatrusan Innih Farmo Tatruse.

Tonna Kinnuk Gaba Dagoytitiiy Kee Cawlayentitih Maqidda Acayuk Sittin Qokol Kee Yallih Xaaqimtol Akah Tatrusan Innih Kassis Abe.

Prezdenti Inkih Tan Muslimiin Ummattak 1447 Heele Hijra Liggidak Ramadan Alsah Unkaq Yalli Muquk Singufusem Axcuk Meqe Qaago Qaagite.

Ramadan Alsi Salaam Alsa Kinnuk Kulli Numu Bood Kee Ballaquk Akah Yadderen Innih Seeco Tatrusan.

Muslimiin Ummatta Somti Udduru Dumaak Akah Aban Innah Sittin Qokol Kee Inkih Tam Muslimin Ummattal Somti Alsi Qaafiyatay,Salama Kee Ko Kacanu Akah Yakkennah Qaagita Iyyanama Iyye.

Ramadan Alsi Hijra Liggidak Shaqban Alsak 29 Alsa Tumbullek Arbaqah Akkele Ambulle Waytek Kameesih Akkelem Qaddoose