Itiyoppiyak Qaran Merrayti Mizaaaniyyat Liggidak Qimbo Laca Alsih Addat 4 Ximmoy 4 Billiyonih Dollar Maksabah Geyaanam Xiqeenim Yescessen

Addis Ababa,caxah Alsa 3,2018 (ENA) Itiyoppiyak Qaran Merrayti Mizaniyyat Liggidak Qimbo Laca Alsih Addat Tekke Taama wagsiisak Addafakot Aben. 

 

Itiyoppiyak Qaran Merraytih Exxah Saqal Gifta Mesfen taasaw Tama Arcal Iyyemihi Mizaniyyat Sanatal Yibbixen Ekraaro Kaxxam Meqennal Gexak Geytimtam Yescesse. 

 

Qaran Merrayti Dadal Hangit Hayta Taama Abak Sugemi Kassise. 

 

Qaran Merrayti Sidoc Takke Baad Wadboobih Ekraaro Ossotinah Ekraarisem Asaccusk Away Amolladi Wadbah Baaxoxah Qadad 145 Gufeh yanim Qaddose. 

 

Tonnah Baaxoh Addah Wadboobi Qusbih Doqaysimte Yabellh Tayyara Booxa Edde Anuk Amolladih 23 Takke Magaalol Fanah Haadiyya Abak Geytimamat Yaabe. 

 

Ekraarok Ugut Abak Nussi Sanatal 7 Takke Qusba Tayaayir Culuseenim Kee Amolladih Itiyoppiya Dibuk Edde Tantifqeh Tan Tayaayir Qadad 147 Takkem Kee Tonnah Kalah Tan Baaxoxa Lih Agleh Edde Yantifiqen Tayayir Luk Amolladih 170 Takke Tayaayir Affaf Acayuk Geytimtama Qaddose. 

 

Ossotinah Qusba Tayaayir Akah Culusan Innah Taamitak Geytimanam Yescesse. 

 

Mizaniyyat Liggidak laca Alsih Addat 10 Ximmoy 64 Milliyon Yakke Mari Haadiyyi Affaf Yeceenim Kee Tatre Sanatak Tabisle Wakti Lih Qalaisan Wak Ossotinah 11 Gaba Ossotinah Lemit Yaabe. 

 

Quuki Affafih Luddak Nussi Sanatal 451 Alfih Toonih Uwwaytih Quukih Affaf Yecenim Baxxaqse. 

 

Tahak Ugut Abak Nussi Sanatal Addat 4 Ximmoy 4 Billiyonih Dollar Maksabah Geyaanam XiqeenimAscassuk Tah Ekraarok Osstinah 2 Gaba Fulah Lemit Yaabe. 

 

Ossoyinah Qaran Merrayti xayih Ukumma Xaa Akak Daffesen Baad Caddoh Tayyarah Booxah Xiso Akah Yibbixen Waktil Gaba Akah Kaltannah Taamitak Geytimanam Yiysixxige.