Qafar ummatta afrikah gaysal tookome ummattay xer dabaanih aydaadu Le kinnim _Qafar Agatih Rakaakayih doolatak perdenti cajji Awwal Qarba.

Addis Ababa Caxah Alsak  03/2018(ENA)Qafar ummatta afrikah gaysal tookome ummattay xer dabaanih aydaadu Le kinnim Qafar Agatih Rakaakayih doolatak perdenti cajji Awwal Qarba  ta Konforensi Fakental Qaddoose. 

 

Ciggilaak Naharsi saqal Elle Qaddsoosenal Aakamal Asaaku gexisnah nan Qafarre konferansil Qafar rakaakayak  Qasiimaay inkih ta amo-xer Qafar ummattah Qaasimak samaral gexsitah iyyat tangaloonuh sidiicamok temeete Qafar amoytittiiy, makaabonuuy, qafar kasle kee miraaciinuk inkih inni kee qafar rakaakayih doolatih migaaqal kulsale gadda siinih gacsaay Iyye 

 

Tohuk lakal axcem inkih akah naaxigennah  qafar ummatta afrikah gaysal tookome ummattay xer dabaanih aydaadu kinnim tamixxigeh tan ummattaay kinni. 

 

Tohuk Ugutaak qafar ummatta afrikah gaysal nookoh elle tanim  baad inkih suumutaah, istirteegik caddol kaxxa tuxxiq le baaxooy yalli ginook qafar ummattah kuuxe knni. 

 

Ta baaxol mango naqboyti mango gammik qafar ummatta gaadeeh, qafar ummatta kaadu isi kinnaane diggossuh koositak, fida mekelak isi baaxol nookoh elle tan. 

 

Aydaadi caddol waginnek qafar ummatta 16 hayto boolih karmal afrikah gaysa Ifaat kee qadaal xiqsitta mamlakatittet miraacisak sugtem aydaadi sumaq diggoysa. 

 

Tonnaah 19 hayto boolih karmak wadih firangi kaamol ayyo temeeteeh,qafar luk sugte qadaak mamlakat boolaatteh tiddigilleeh, qafar sidiica baaxoh kurrunteh raqtem tamixxigeh tan tiya. 

 

Qafar ummatta farangih istiqmaarat gexxaamah sidiica baaxoh kurruntaway isi qaada kee isi kinnaane keenih  mabaysinnaay qafarre kee madqal dacrisak, diggoysak,gablusak temeete. 

 

Qaada kee abuk raqtil caddol waginne waqdi qaffarre yaanam  qafar ummatta ubkal,abuk-absumal, affeecinnal,xalak ballisil, xintok maacisso kee madqal saaru sammaaruh ittat xakabuh yabbixeh yan siirat kinni. 

 

Madqa kaadu qafarak qadli kee sulcih inkih tayseh tan madqalem qafar ummatta  leh tanih baad ummatta naysixxuguh macalenno axcuk qaddoose 

 

Tonna kinnuk asaakuk xabba hyneh sidiica ayroh fanah gexsittu waytah tan qafarre kobox sidiicamok temeete qafar amoyitteey, daradaraay, makaaban kee kasle baaxa leh yan walal kee agaarad , qafarre kee madqal gexissaay,inkim akak ixxicaay, fooca fanah kaadu qafar inkittinaane kee kinnaane elle diggowwah yan afkan elle madqelon axcuk qamballa.iyye 

 

Tohu gexaak ta konfaransi Qafar ummattah kinnaane kee qaada Diggoysaah, Qafar ummattah inkittiinane maqarroysaah, Qafar ummatta inki weeloysa kobox neh yakkem Qaagita Axcuk Qaddoose.