Qafarrê  Madaqa Galli Maroh Eglak  Baritto Kusaq kee Qaada Fanteena  (UNSCO) Yatkuboonuh Samarâ Magaalal  Walal Taddeera  Gexisak Geytiman.

Addis  Ababa caxah  Alsak 03/2018(ENA)Qafarrê   madqah Calli Maroh Eglak Barittó Kusaq kee Qaada Fanteena  UNESCO Yagduboonuh Samarâ Magaalal  Caxah Alsak 3-5 fanah Gexistak sugeh waah Yan  Kobox Qimbiseh Geytiman 

 

Tama Gudgudul Qafar Rakaakayih Doolatak Naharsi Saqal Massakaxxa Le Cajji Awwal Qarba Doolatak Fayya le mirraacinuy Fedraalak  qaada kee dagar diig  malaakih xeeta Tan Nafiisa Almahadi  fayya le mircotiy Tonnah Jabuutih Ummuunok  Wahan Gamsih Malaak gifta Macammad Qabdulkaadir Naharsi Malaakih kutbeh Buxa Saqal Gifta Najiib Qabdalla kaamil Miraacissa  Fayya le mirraacinu Elle Geytime. 

 

Qafár sultaanittey Qafar makaabonuy diiniy Abbobitiiy Baaxoh Idoolay Baxaabaxsa le Ayti gexxo le maritte Elle Geytimite. 

 

Tama Gudgudul Yabti faknenta  Abeh Yan Qafar rakaakayal naharsi Saqal Massakaxxa le Cajji awwal Tama  Taddeerat  Tengeleh Tan Qibinittey Sultaanitte kee Doolatak Fayya le Mirraacinuk Unkaq Muquk Temteenih Farmo Tatruse. 

 

Qafár Rakaakayal Naharsi Saqal Massakaxxa le Cajji  Awwal  Qarba Abeh Yan Yaabal Iyyeemih Qafár ummatta Baada kulli Caddol Akah sumaaqitak  Xiinan Ayyunta kinnim Ascassuk Baadak  sehdayti Baxih Raceena Kinninom luusi sumaaqay, Tonnah Afrika Inta seecena Akak Temeetem Qafar Inta Qangara Kinnim Qaddoose. 

 

Qafár Ayyunti sidiica Exxal Kurruumeh xiina Ayyunta  Doolatiin Siirat  Gubat Anuk  Ayyuntiino Mannoowiyyal Sittat  Axawah Yan Ayyuntay Qaadaay Afaay, Nihritteey, Mesenkacá wag Caddol Kulliim Saarûsaamarruh sittal Tan Ummatta Kinnim Qaddoose 

 

Qafar Ummatta leh Tan Assakat Le Qafarrê madqah  Qafar Ayyunti Elle Yamixxigeh biduy Kinnaaneh Asat Kinnuuk Ta Qaada Tamaate Horal tabisonuy Inkih Yan Baad Madqa Tet Abenno. 

 

Tama Taddeerat Caxah Alsak 3- 5 fanah Gexsitelem qaddoosen. 

 

#itiyoppiyak_xaagi_raceena