Malâ Buxa Gexisak Sugte 9heele Madabiinô Koboxul Inki Malâ Buxah Adoytak Esserimeway gar ugusse - ENA Qafar Afa
Malâ Buxa Gexisak Sugte 9heele Madabiinô Koboxul Inki Malâ Buxah Adoytak Esserimeway gar ugusse
Samara, Caxah alsak 02, 2018 (ENA)Qafár Rakaakayih Malah Buxa Gexisak Sugte 5haytô taamâ dabaanak 9heele Madabiinô Koboxul Inki Malâ Buxah Adoytak Esserimeway gar ugusse
Qadli Biirok Naharsí Saqalah yan Gifta Qaskar Macammad Rakaakay doolat awlisak xayyooseh yan esserol Agatak 6heele Doorol Baraclê Daqar Awlisak Rakaakay Maláh Buxah adoyta akkuk doorimeh suge Gifta Ibraahim Qusmaan Qaliyyu Baaxô Dastuur Caylat yaggileenim Kee Baaxo Ganaanamal Digga Le Alhum Kaak Geytimem Kinnuk Luk Sugeh Yan Esserimeway gar Kaak Ugusaanamih essero xayyoose.
Ityoppiya Kee Qafar Ummattak Aydaadi naqabtoolitih tan Shaqbiyyah xinto kee gersi dagortik geyan Qokol kee nee litoonul Rakaakay Madqa taggilem faxxa Qarkakisâ butta Miraacisah yan Ibraahim Qusmaan abak geytimah yan Rakaakay kee Federaal Doolatih madqooqil saduh tan taamoomik dudda le kusaq kaak yakkuh Malâ Buxah adoytah suge uddur luk suge esserimeway gar kaak ugusaanam faxxintem Gifta Qaskar Macammad Xayyoose esserol diggoyse.
Ellecabol, Malâ Buxah adoytit xayyosteh tan essero inki xongolol oggolak Ibraahim Qusmaan Qaliyyuk esserimeway gar ugusen.