Barittô Luddal Tekkeh Tan Xalootle Taamoomi Horà Xisneh Qusba Mafdaga Fakele - Axanech Abebe

 

Addis Ababa; Agda Baxissok 29/2018 (ENA):-Baritto Siiratal Tekkeh Tan Maysaasa Maaqattooti Barteenit Xalu Yaysiiseenim Dubuh Hinna Horah Xisneh Qusba Mafdaga Fakelem Addis Ababah Magaalah Xinissoh Saqlá Tan Axanech Abebe Qaddosse.

Addis Ababah Magaalah Xiinissoh Malah Buxa 5heele Taama Dabaanak 2heele Madabiino Gexisak Geytiman.

Tama Gudgudul Magaala Xinisso Tan Axanech Abebe Sanat 2018 Mizaaniyyat Liggidak Qimbo 6Alsih Adda Tekkeh Tan Taamah Abnisso Magaalah Xiinissok Malah Buxal Xayyoosak Geytimita.

Barittô Luddal Tekkeh Tan Taama Wagsiisak Abteh Tan Baxxaqsal Elle Qaddossennal Taturte Liggiditteh Addat Barittô Luddal Yeceenih Yanin Baxsale Hangi Ugutak Aydukumuseh Faxximta Assakat Le Xalootitte Elle Ambullayuk Geytimitam Qaddose.

Ta Luddal Meqem Kaban Leeh Beerah Agat Sarriino Rakuh Elle Taniiy Faxe Caddol Qalatam Dudda Hora Ginnituh Barseenitih Faxxiimah Yan Duddi Gablusiyya Keenih Aycuk Taamitak Geytiman.

Agat Sarrimaane Kee Tuxxiiqit Dacarisam Duddah Tan Dudda Le Hora Ginnimtuh Baritto Kaxxa Doori Lem Ascassuk Agat Caddol Hora Xisoonuh Qimbimteh Tan Taamoomi Fooca Maqarroose Loonum Qaddosse.

Taturte 6 Alsitteh Addat Wagittah Tan Dagoritte Luk Cattiimak Barittâ.Buxaaxi Rakiibo Daddos Yaysiisonuh Tekke Taamoomil Barittok Mexxat Yaysiiseenimih Caddol Kaxxa Doori Digrak Geytimitam Qaddosse.