Addis Ababah Magaalah Xiinissoh Malah Buxa Madabiinó Kobox Gexisak Geytiman.

 

Addis Ababa; Agda Baxissok 29/2018 (Ena): Addis Ababah Magaalah Xiinissok 5heele Taama Dabaanak 2heele Madabiino Gexisak Geytimaanam Qaddoosen

Mala Buxak 3hayto Miduk Addis Ababah Magaalah Xiinissok 5heele Taama Dabaanak 1hayto Madabiinok Guumi Kutbeytal Walalak Inki Xongolol Faatacisen.

Addis Ababah Magaalah Xiinissok Abbinosa Dagoritte Sanat 2018 Mizaaniyyat Liggidak Qimboh 6 Alsih Addat Tekkeh Tan Taamoomi Kussaaqisak Abnisso Kee Gabbaaqul Walalak Faaticise Loonu Axcuk Qambaalan.

Ossotinah Addis Ababah Magaalah Xiinissoh Limo kee Uwwaytih Xinnissoh Maysaasah Qaguntih Kuktay Tonnah Garguritte Reedal Walalak Faaticisele Axcuk Qambaalan.

Addis Ababah Magaalah Xiinissoh Saqlà Tan Axanech Abebe Mizaaniyyat Liggidak Naharsi Rubqi Sanatih Abnisso Gabbaaqu Malah Buxah Xayyoosak Geytimita.

Tama Gabbaaqul Milaaguk Gamdal Qaduuk Bisô Maxco Gexsol Rakuh Yanih Yan Makcaggur Kee Poolisitte Miractimak Addis Ababah Magaalah Caddol Mango Tan Daddos Taamoomi Akkuk Assakat Le Xaloot Ambullayuk Geytima.