Doolat Dooro Ximokraasih Salaam Kee Qadliino Le Gurral Inkih Yan Gabah Assagollal Akah Takkennah Taamitak Geytiman. - ENA Qafar Afa
Doolat Dooro Ximokraasih Salaam Kee Qadliino Le Gurral Inkih Yan Gabah Assagollal Akah Takkennah Taamitak Geytiman.
Addis Ababa; Agda Baxxisok 27 /2018 (ENA) Doolat Dooro Ximokraasih Salaam Kee Qadliino Le Gurral Inkih Yan Gabah Assagollal Akah Takkennah Taamitak Geytimaanam Ummattah Awlaytiitih Malah Buxah Adoytit Qaddosse.
Naharsi Malak Dr Abiyyi Acmad 6heele Ummattah Awlaytiitih Malâ Buxak 5heele Taama Dabaanak 10heele Madabiino Kobxu Gexisen.
Naharsi Malak Dr Abiyyi Acmad Sanat 2018 Mizaaniyyat Liggidak 6 Alsih Taamah Abnisso Gabbaaqu Wagsiisak Malah Buxah Adoytiit Ugusse Esseroorah Gacsa Kee Baxxaqsa Abe.
Naharsi Malaak Dr Abiyyi Acmad Dooro Wagsiisak Abeh Yan Baxxaqsul Dooro Salaam Kee Qadliino Leh Inkih Yan Gabah Assagollal Takkuh Faxxiimah Yan Macala Akkuk Geytimam Qaddoose
Doolat Asanatih Dooroh Baxsa Le Hangi Akah Acayuk Dooro Fantenaani Baarisak Baxabaaxsa Le Madqa Maysaasa Abak Dumaahih Doorok Kulli Caddol Aysuk Akah Takkennah Taamitak Geytiman
Ummattah Awlaytiitih Malah Buxah Adoytah Yan Dr Mebrati Alemu Elle Qaddossennal, Doolat Faxxiima Bica Kee Demokraasi Wagittaamal Ugusseh Tan Esseroorah Elle Faxximta Gurral Raddi Gacisak Taamitak Geytimaanam Qaddoose.
Ummattah Awalytiitih malah Buxah Adoytah Yan Mesfen Ergabe Dooro Qadliinooy, Demokraasi Kee Ummattah Fanat Aamantinaane Le Gurral Akkeleemih Kibaal Leh Yanim Qaddoose
Ummattah Awlaytiitih Malah Buxak Fayi Malah Buxak Adoytah Yan Ustaz Kaamil Shemsu Abeh Yan Yaabal Iyyeemih Dooro Inki Ayyuntak Demokraasih Abnisso Elle Yambulley Asat Kinnuuk Inkih Ayyunti Exxaaxi Doorot Faxximiimah Yan Agabah Assagolla Edde Haak Dooro Saay Keee Salaam Le Aakah Takkennah Isnni Loftak Yawqeenim Faxximtam Qaddoose.
Agat Caddol Takke 7heele Amolladi Dooro Dumaahih Doorok Baxsa Le Gurral Xijitalat Cattiimak Currinooy, Qadliinoy, Ximokraasih Gital Takkuh Doolat Taakume Bicitte Abak Saay Kee Salaam Diggoosak Inkih Tan Baaxo Xayloh Gabah Agle Edde Haak Akah Takkennah Macalitte Akkuk Geytimtam Qaddoosen.