7haytoh Agat Caddol Takke Dooro Curriinoy, Qadliino Kee Ximokraasih Gital Akah Takkennah Wagitta Dagoritte Kaxxa Doori Digirtam Faxximta - Agatak Dooroh Borxi. - ENA Qafar Afa
7haytoh Agat Caddol Takke Dooro Curriinoy, Qadliino Kee Ximokraasih Gital Akah Takkennah Wagitta Dagoritte Kaxxa Doori Digirtam Faxximta - Agatak Dooroh Borxi.
Addis Ababa; Agda Baxissok 25/2018 (ENA): 7haytoh Agat Caddol Takke Dooro Curriinoy, Qadliino Kee Ximokraasih Gital Akah Takkennah Wagitta Dagoritte Kaxxa Doori Digirtam Faxximta Itiyoppiyak Agat Dooroh Bordik Koobahisah Tan Melaat Worku Haylu Qaddosse.
Itiyoppiyak Agat Dooroh Bordi Rakaakayitte Kee Magaalol Xiinissoh Amni Caagiidal Kusaaqisak Wagitta Dagaritteh Walal Gudgud Addis Ababal Gexisak Geytiman.
Tama Gudgudul Rakaakayitte Mirraacinuy,Magaalol Xiinissoh Mirraacinuy, Siyaasâ Missoynah Miroctiiy, Saay Mirocti Kee Sivil Ayyuntih Awlaytit Edde Tengele.
Borxi Kobaahisah Tan Melaat Worku Haylu Tama Arcal Intemihih Dooro Bordi Yeyyeqeh Yan Waktil Dooro Akah Takkkennah Baxabaxsale Taakume Bici Taamoomi Akkuk Geytimamam Tescesse.
Siivil Ayyuntih Eglaali Dooro Maritteh Mabla Tu Ced Dadlisoonuh Baritto Kee Aydakaakan Akah Yacen Innah Ruksat Geyeenim Kee Taama Qimmiseenih Geytiman.
Siyaasa Missoynaani Doorot Lon Gabahassagolla Maqarroosonuh Faxxiimah Yan Qokol Keenih Akkuk Geytimam Qaddosse.
Magalableela Tama Walal Gudgudul Wakti Caalat Elle Faxxiima Gurral Baxxaqisak Door Saay Kee Salaamal Takkuh Amni Dagoritte Luk Cattiimak Agat Caddol Qadliinoy, Curriinoy,Qadalaat Kee Ximokraasih Gital Dooro Takkuh Taakume Bice Abtooota Abak Taamitak Geytiman.