39hatoh Afrikah Inkiinoh Eglak Mirraacin Koboxot Yangleh Yan Qibnah Ayfaafa Elle Faxximta Gurral Xayyoosonuh Taakume Bici Taamoomi Tekkeh Geytimita. - ENA Qafar Afa
39hatoh Afrikah Inkiinoh Eglak Mirraacin Koboxot Yangleh Yan Qibnah Ayfaafa Elle Faxximta Gurral Xayyoosonuh Taakume Bici Taamoomi Tekkeh Geytimita.
Addis Ababa; Agda Baxissok 22/2018 (ENA):39htoh Afrikah Inkiinoh Eglak Mirraacin Koboxot Yanglu Waah Yan Qibnitteh Elle Faxximta Gurral Arcibsoonuh Faxximta Bicitteh Tekkeh Geytimitam Addis Ababk Wacaysir Komishiinik Komshineer Huned Kebede Qaddoose.
Addis Ababa Sanatal 150 Takke Dariifaay Qaranguba Kee Baad Caddoh Tekkooka Assakat Luk Oggolaka Gexsiisamih Abak Raag Kee Dudda Lem Kassiise.
Tahak Ugutak 39htoh Afrikah Inkiinoh Eglak Mirraacin Koboxot Yanglu Waah Yan Qibnah Sahha Le Gurral Sissikuk Arcibisoonuh Duddale Ayfaafitte Kibak Faxximita Bicitteh Gabakaleenih Geytimaanam Qaddoose.
Tonnah Akkuk Geytimah Yan Assakat Le Daddos Cugaysoosa Addis Ababa Qaxmaqaane Kee Magaalah Konferensih Wacaysir Fanteenah Arac Maqarroosak Mango Langittel Qidaddo Kee Ayyuntiinoh Tuxxiiqih Kaxxa Doori Digirak Geytimam Qaddoose.
39hatoh Afrikah Inkiinoh Eglak Mirraacin Gabah Assagolla Edde Leh Tan Qibinitte Wacysir Fantenaanit Gufne Aboonuh Maglabaleela Luk Cattiimak Baaxooxa Mirraacinuy,Ayti Gexxo Le Marittey,Fantenaani Saqlowtiiy,Seeco Akah Aben Qibnitte Baaxo Baada Caddol Yassixxigoonuh Kaxxa Saami Kinnim Qaddoose.
Tama Kobox Sarrriino Lee Xayyoosiyya Kee Nagayaniina Dacarsiak Saytun Lee Xayyoosiya Diggoosanam Inta Radmol Caxah Alsak 7illa 8,2018 Addis Ababal Gexsitelem Qaddoose.