Agat  Mabbalow   Sarramaane Le  Salaam  Barisoonuy, Digga  Le  Doolat Madqa   Xisoonuh Rakiibo  Kinni.

 

Addis  Ababa   Agda Baxxisok  7/2018(ENA) Agat  Mabbalow  Sarrimaane Le Salaam   Barisoonuy  Digga  Le  Doolat  Madqa  Xisoonuh Rakiiboh  Raqtam  Kinnim   Ummattah Awlaytiitih Malah Buxak  Ximokraasih Siiratih Xisnek  Maytani Makaadok  Ciggiila  Koobahiseh Yan Azmeraw Andimo Qaddoose

Itiyoppiyak Xaagi Raceena  Kee Amaarah Rakaakayih Doolatak,Angaaraw Biiro Koobahissol Salaam Diggoosak Gadda Dadlisenno Inta Radmol Paanal Walal  Bahar Xaara Magaalal Akkuk Geytima.

 Tama  Gudgudul   Ummattah Awlaytiitih  Malah Buxak  Ximok Raasih Caagidak Maytani  Makaadok  Ciggiila  Koobahiseh Yan  Azmeraw Andemo  Agat  Mabbalow Kee  Salaam  Xisen  Iyya Ammuntal  Walal Kutbeyta Xayyoose.

 

 Tama Kutbeytal  Itiyoppiya  Ken  Fanat Yan Baxsa  Salaam  Gital  Calli  Abak  Sarrimaane Le Salaam  Diggoosonuh  Agatak   Mabbaloe  Komshiini   Kaxxa    Doori  Leh Yanim  Qaddoose.

Diggah Leh  Tan Fantenaani Xisak  Ayyuntiino Fanih  Qalla   Maqarroosak   Qusbah Yan  Ayyyuntiino Fantaaxaw  Ginak  Baxisitte Sittin Qokol  Fanah  Milaagak Sarrimaane  Le Salaam    Diggoosonuh Mabbalow  Iroh  Doorit  Ane Waama  Kassiise. 

Agat  Mabbalow  Xayi Waktih Fidga  Hinnay Mango  Wakti  Faxsiisah  Yan Invistimen Kinnim Ascassuk  Mabbalow   Salaam  Xisneh   Silac  Dubuk   Baaxo  Xisnek   Rakiibo Kinnim Kassiise.

Inkih  Tan   Itiyoppiyah Xaylo  Ta  Aydaadi Tekkot  Elle  Faxximta  Gurral Antifquk  Gexkalitte Saamitte   Fanah Milaagak  Agat Sittin Geyih Ginnaanamih Caddol Isinni  Loftak  Yawqeenim  Faxximtam Qaddoose.