Qaso biyak kalaloonuh Rakaakaya caddol 7haytoh Addah qaso bayisaanam Yok qambalasinta Inta Itrol Sifra Daqaaral Qasoh Ayyam Assakaxxuk Geytiman. - ENA Qafar Afa
Qaso biyak kalaloonuh Rakaakaya caddol 7haytoh Addah qaso bayisaanam Yok qambalasinta Inta Itrol Sifra Daqaaral Qasoh Ayyam Assakaxxuk Geytiman.
Addis Ababa Agadbaxissok 7/2018(ENA )Qaso biyak kalaloonuh Rakaakaya caddol 7haytoh Addah qaso bayisaanam Yok qambalasinta Inta Itrol Sifra Daqaaral Qasoh Ayyam Assakaxxuk Geytimaanam Qaddoosen.
Tama Taddeerah Aracal Qaafiyat Biirok C/Saqalah Yan Gifta Wittika Noorey, Biirok Miraacini Makaadoh Adoytiitiy, Sifrâ Daqaarak Dacarsittoh Xiinah Kutbeh Buxah Saqal Kee Daqar Awlaytuh Yan Gifta Wagris Caffay, Sifrâ Daqaarih Miraacinu Kee Ummatta Elle Geytimtekkel Sifrâ Daqaarak Waqamah Awdal Geytimta Qaafiyat Fanteenal Assakaxxuk Maacisenim Tamixxige
Ta Ayyam Qaso Dalkah Kalalih Gaadi Baar Luk Edde Qimbisa Ayro Kinnim Kee Qasó Baysaanam Yok Qimbissa Inta Itrol Rakaakay Caddol 7tô Adda Assakaxxuk Geytimna Ayro Kinnim Tamixxige.
Rakaakay Caddol Qasoh Ayyam Nassakaxxeh Nan Way Qaso Bahtah Tan Kaniiqeytá Edde Tandarreh Tan Arooca Baysaanamay, Qaso Akak Tabaatabta Gititte Yaaxigeenim Kee Kayniiqeh Sará Elle Yantifiqeenih Yanin Gurra Kee Tonnah Kaadu Dayli Ayfaafih Taama Diggowtam Faxximtam Ummattah Aytit Edde Haak Nassalaxxe Ayro Kinnim Tamixxige.
Sifra Daqar Qaso Nabam Elle Tanih Tan Daqoortik Tiyak Teena Kinniimih Taagah Qaso Baysaanamih Uguugusih Taama Ta Daqaaral Nabam Faxximtam Kinnuuk Barittô Buxaaxi Kee Gersi Ummatta Elle Gaabowta Aroocal Ummatta Yaynebeebedenimih Taama Takkem Faxximtam Tamixxige.
Tama Aracal Geytimak Yab Abteh Sugtem Qaafiyat Biirok C/Saqalah Yan Gifta Wittika Noore Kinnuuk Iyyeemih Qaso Dalka Ni Ummattah Addal Fixixe Waytu Kee Ni Ummatta Qaso Dalkak Isi Kalaltuh Baxaabaxsale Kulsale Taamoomi Akkuk Geytimtak Yasscesse.
Tonnah Kaadu Asanat Kaaniqe Saroh Keefo Abaanam Kee Kaaniqe Elle Tandarre Arooca Baysaanamal Abak Nemeete Taamoomil Xalu Abluk Geytimnam Kinnuuk Siinik Yaceenih Yanin Kaaniqe Sarrot Elle Faxxintannal Tantifiqeenim Faxximta Axcuk Kassiise.
Tonnah Kaadu Sifrâ Daqaarak Qaafiyat Kutbeh Buxah Saqalah Yan Gifta Cuseen Macammad Ni Daqaarih Caddol Qaso Dalka Kalalnu Kee Ummatta Ta Dalkah Magada Akke Waytuh Uguugus Taamoomi Maqarroosak Gexenno Axcuk Kassiise.