Qafar Rakaakayih Caddol   Warraye  6 Alsih Addat 3.9 Bilyoonih Birriik Daga  Yakke  Culenta  Gaabosaanam Duudumte.

 

Addis  Ababa  Agda Baxxisok 4/2018 (ENA):Qafar Rakaakayak  Mizaaniyyat Liggidak  Warraye 6 Alsih Addat 3.9 Bilyoonih Birriik Daga  Yakke Culenta Gaabosaanam Duudumteh Tanim Rakaakayak  culenti Biiro Tiysixxge. 

Mizaaniyyat liggidak 6 alsih addat tekkeh tan culenti Gaaboynah Taama wagittaamal Rakaakayak Culenti Biiroh Saqal Gifta  Awwal  Qabdu Asaakih Ayro Maybalaalaqa Yece. 

Gifta  Awwal  Qabdu Elle Qaddossennal, Mizaaniyyat Liggidak 6 Alsih Addat 4 bilyooni 78 Miliyooni  630  Alfik birrik  Dag Yakke  Culenta  Gaabosoonuh Ekkaraariseneh Sugeenim Ascassuk, 3 Biliyoonih 998 Miliyoonih 779 Alfih Birriik Daga  Yakke Culenta Gaabosaanam Duudumteh Tanim  qaddoose. 

culenti saanih kee saanih akke sinni Gitaay  kalah tan culenti raceenaanik Gaabiseenim  Qaddoose 

Qiso Gaaboysoh Ikraarol Booluk 98% Gaba Arac Xagteh Tanim Kassiisak, fooca fanah  Culenti Gaaboynah   Gexsit  Qasriino le Gurral Gaaboysak  Rakaakaya  Daddos Sarrriino le gurral Araca  Xaguh Macalak  Geytimaanam Yiysixxige. 

Culenti Abnisso Taturte Sanat  Ta waddiir luk  waginnek  Boolul 50% Gabah Dadala Elle Yumbulleh Yanim Timixxige. 

Culenti gaaboysoh Rakaakayal Ilaa  awdoodi  Fanah Faxxiimah Yan  Angagoyya Kee Tu ced  Acyuk  Qiso Waktil Meklaanamih Caalat Aysiisuk Geytimaanam Qaddoose 

Ta luddal  Yayseh Yan Siirat Daffeesak madqak iroh Tan Dagoritte Ganuun Fanah Baahonuh  Taamitak geytiman ascassuk Madqa Ugtak Faxximtah Tan maaqatta keenil Ruubunuh Taamitak Geytimaanam  Qaddoose.

Qiso Mekla Shalinuk Xijitaal  Gitaak Akah meklan Innah  Abak Mango Taama Akkuk Geytimtam Yiysixxige.