Yangalen Daalissoh Xiso Doolat Dasturih Xisen Kee Mangattiinah Inkittiinoh Faxximta. - ENA Qafar Afa
Yangalen Daalissoh Xiso Doolat Dasturih Xisen Kee Mangattiinah Inkittiinoh Faxximta.
Addis Ababa Agda-Baxxiso 4/2018(ENA) Yangalen Daalissoh Xisen Doolat Dasturih Xisen Kee Mangattiinah Inkittiino Diggoosonuh Faxximtam Kinnim Salaam Malaakah Yan Gifta Macammad Idriis Qaddoose.
Itiyoppiya Agat Caddol Yangalen Daalisso Ginnoonuh Baaxoh Caddol Jimma Magaalal Konferenis Qimbisen.
Agat Caddol Yangalen Daalisso Coocitte Sitta Luk Kalalak Mangattiinah Sittaliino Fanah Maqarroosak Yangalen Daalisso Doolat Madqah Xisneey Mangatttiinah Inkittiinoh Kaxxa Doori Lem Salaam Malaakah Yan Gifta Macammad Idriis Qaddoose.
Itiyoppiyak Mnagattiinah Inkittiino Fayay Fanah Gexak Geytimitam Ascassuk Hora Yangalen Daalisso Ginnaanam Faxximtah Tanim Kassiise.
Tah Inkih Wagittah Tan Dagoritte Koobahisak Yangalen Daalisso Ginnoonuh Xisen Le Gurral Taamitak Geytimaanam Qaddoose.
Agat Sittin Gey Maqarroosonuh Tah Faxxiima Wakti Kinnim Ascassuk Agatk Mabbalow Siiratat Elle Faxximta Gurral Antifiquk Ambad Le Gurral Walalak Xaloot Geytimuh Taamitak Geytimaanam Yescesse.
Aydaaduk Barrinuh Dubuh Edde Nantifiqen Faxximta Kimaalak Baritak Asaaku Nihritte Diggoosak Beerah Yayseh Yan Aydaadu Abnuh Sitta Luk Taamitaanam Faxximtam Kassiise.
Tama Koboxul Fedraala Kee Rakaakayak Fayya Le Mircotiiy Tonnah Seeco Akah Aben Qibnitte Edde Tengleh Tanim Qaddoosen.