Nee kee ni moddaqiino xagtam temeetek kimalaay asaaku ni migdaa kee gabâ gacsah num miyassaada- Gifta Macammad Qali Biqdo

Addis Ababa Ciggilta kudok 26/2018(ENA )Qafar Agatih Rakaakayih Doolatak Angaaraw Biirok Naharsi Saqal Gifta Macammad Qali Biqdo isi ayyuntiinô ratteemal tatruse farmol Qafar Ummatta Aydaaduuy Qaadaa kee manô gexsitil inkih foocat yan mara kinnim kee moddaqiino xagtam temeetek kimalaay asaaku ni migdaa kee gabah gacsah num miyassaadam qaddoyse. 

 

Gifta Macammad Qali Biqdo iyyeemih Qafar yookomiiy nabah tan ummattâ tet xiqsissaamak mangom le. Ummattâ akak radde maray baadak inâ kinni. tah diggossam ni geril taniimiiy baad yaaxigeh iyyaanam iyye. 

 

luusiiy qarraamisiiy salaama ardiiy kalah tan archiological daaranitteey mango milyeenittel loowimta. duma geytimtem kee uxih geytimak geytimta tanim Gifta Macammad Qali kassiisak 

Mango mari nee fan akah yamaateeh ayti kee kalbi akah yacee yookomi kinninon nek diggossam kinnih tanim yescesse. 

 

Afrikah gaysak edde nan istraateejik kee solsol ni dariifaa kee Afrikah Qaranguba hinnay baadal araciino le baadak inti kinninom diggossam yescesseh yan Gifta Macammad Qali  kimal Afxeerak hayle gubbil bakaqat gira hinnay boyna nublek ni gerii kee fanti maacal tayaayir akah soole sugem tamixxigem qaddoyse. 

 

Dariifaay Afrikah qaran gubaa kee baadak edde nan mohoodo kee Aakameynaa kee linoh nan gadda wagga hayna waqdi dadalaay bisoh maxcol xer baaxo genneh suge raanxe axcuk kassiise. 

 

Gifta Macammad Qali Biqdo aki katuk iyyeemih Aboyyaa kee aboyya baxa[godmaa kee godmâ caxxah sugteh tan dictator isyaasa kee ken exxa TPLF] itiyoppiyaa kee Qafar ummattât fanaak garayte baddi furda nee waysissem hinna immay Qafarak samad baysaa kee tummiqittel gaba kalteh sugte warrayteh 27 sanootah edde nee abbaxuk sugte ullulluu kee saaxisiyyak sugtem qaddoyse. 

 

Qafar kee Itiyoppiyak aydaadi naqboytiitillih gacak waxxaq iyya ganeynaa kee badaabadseh beey kay lakat gexxe Qajjiib siinil matakkaa...? faxe waqdi naqboyti rakiiba kee goonaytit tanim axaguk qemmisneh nan leedâ foocah haynam faxxinta iyyaanamih farmo tatruse. 

 

Gifta Macammad Qali Biqdo ellecaboh tatruseh yan farmol Ni rakaakay sinam alle waytaamak mangom le rakaakaya. baaxoo kee leê gadda saq kee saqat axawah innatamaay maqaadin kee tourismiiy tonnaah Qadaay afaay mano gurrittee kee weelo nek mari allinninoy akah iyya kinnim kassiisak Kulli langil axcihiiy siyaasaay maddurtiinoo kee ayyuntiinol geynam qemmisneh nan salaamaay bisoh maxcoo kee dadal maqarroysak inkih tan leedâ nummaysenno iyye.