Abrahot Kitoobah Buxal  Ayfaf Mattacoo  Maqarroosonuh  Xijital  Siirat Qimbise

 

Addis Ababa;  Ciggilta Kudok 25/2018 (ENA):- Abrahot  Kitoobah Buxa Ixxiga Fanteena Akkuk Elle  Faxximta Gurral Ayafa Acyuk Geytimaanam Addis Ababah Magaalah Xiinissoh Saqala  Tan   Adanech Abebe Qaddosse.

Tama Gudgudul Addis Ababah Magaalal  Xiinissoh  Saqlah Tan  Adanech Abebe, Addis Ababah Magaalahk Malah Buxak  Caxah Afteenay  Abrahot  Kitoobah  Buxak  Bordik Saqalah Yan Buzena Alkedir Edde Anuk Fayya Le Mirocti Elle  Geytimita

 

 Tama Taddeeral  Addis Ababah Magaalah Xiinissoh  Saqlah Tan   Adanech Abebe Abrahot Kitooba Buxa Naharsi Malaak  Dr  Abiyyi   Acmad Mablah  Racissol  Uguusut  Xissiimak Faxxiimah Ayfaf  Ayyuntah Aycuk Geytimtam Qaddosse.

Abrahot Kitooba Buxa Ayfaf Mattaccayyo   Qimbisemiik Xabba Haanam Qasimal Kaxxah  Yan  Ixxigah Fanteenah  Akkuk  Ayfaafay Akah Yece Innah  Abeenih Yaniinim  Qaddossen.

Ta  Fanteena    Itiyoppiyak   Leeda  Gexsok Rakiibo Abak  Baaxoh Caddol Dudda  Le Hora Ginnimituh Kaxxa  Doori Lem Baxxaqisak    Ayfaf Elle  Yacen Cogdaadi  Aysiisuk  Kawsaanamih  Qaada Maqarroosak  Baaxoh Caddol  Ixxiga Tabaatabsah Holhol Akkuk Ayfaf Yaceem Warse.

 

Abrahot Kitooba Buxah Xijita Siirat  Kawsi  Ayfa  Yaysev Maxxat Kee Dudda  Luk  Xijitaal Ayfaafay Kitooba Buxal  Xisen Le Gurral  Shalinuk Elle  Yanini Rikle  Kussaaqisaanam Duudumtah Tanim Qaddosse.

Abrahot Kitooba Buxak Naharsi Dayrekterih Yan Mulluken Tarriku Elle Qaddoosennal  Kitooba  Buxa  Agat Xayloh  Bica  Le Gurral Kawsoonuh  Faxxiimah Yan Ayfaf Missoosak  24  Saaqat  Inkih Ayfaf Acyuk Geytimaanam   Baxxaqise.

Asaaku  Abrahot Kitoobah Buxal  Qimbisen  Xijitaal  Ayfaf Mattacayyo  Kee Mexxat  Maqarrooselem  Yiysixxigen