Dubtih Hospitalak Inonti Kee Alaaqa Qaafiyatih Fanteena Dooqaysen.

 

 Addis  Ababa  Ciggilta   Kudok  23/2018(Ena)  Qafar  Rakaayak  Dubti Hospitalal   Alaaqa Kee Inonti  Qaafiytih Fanteena  Fedraala  Kee Rakaakayak Fayya Le Mirraacin Elle  Geytimak  Asaakim Macsenta   Dooqaysiisenih Yaniinim   Qaddoosen 
Tama  Tadeerah Aracal Qafár Rakaakayih Doolatak Naharsi Saqalah Yan Cajji Awwal Qarbay, Qaafiyat Malaakah Tan Dr Mekdes Daabay,  Qaafiyat Biirok Saqalah Yan Gifta  Yaasin Cabiib Kee Rakaakayak Fayyale Miraaciinu Elle Geytimak Dooqayisen. 

 

Ta Fanteena Inonti Kee Alaaqa Gersi Marak Baxsah Elle Xaylisan Fanteenay Qasriino Le Gurral Xisak Gaba Akak Kaleeni Kinnuuk   Ta Fanteena Kaadu Mangoh Tan Inonti Kee Alaaqa Qaafiyat Taqabi Afdigele Axcuk Qambaalan Baar Leeh Kaxxah Tan Fanteena Kinnim Tamixxige.

Tama Aracal Geytimak Yab Abteh Sugtem Qafár Rakaakayih Doolatak Naharsi Saqalah Yan Massakaxxa  Cajji Awwal Qarba Kinnuuk Iyyeemih Inonti Kee Alaaqa Qaafiyat Iyyaanam Kulliimik Naharsiino Akah Yaceenim Faxximtam Kinnuuk Ta Fanteena Inonti Kee Alaaqa Baxsah Meqeh Yan Mexxat Le Ayfaf Elle Geyoonu Duudan Fanteena Kinnim Tamixxige Axcuk Yaabe.

 

Ciggiilak Kaadu Qaafiyat Malaakah Tan Dr Mekdes Daba Inteemih Inonti Kee Alaaqa Qaafiyat Naysiisu Kee Mexxat Bahsisnuh Abak Geytimna Macalak Tiyak Teena Ta Qari Dooqaysiisak Taamal Asisaanam Kinnuuk Tah Kaadu Inonti Kee Alaaqa Neceeh Nan Hangi Fayya Iyyah Yanim Taybulle Abto Kinni Axcuk Baxxaqisse.

 

Tonnah Kaadu Qaafiyat Biiroh Saqalah Yan Massakaxxale Yaasin Cabiib Inonti Kee Alaaqa Gersi Dariifa Fan Akah Gexak Sugen Ayfaf Le Rakaakayih Addal Akah Giyan Innah Absiisak  Dudda Le Mihratleela  Kee  Qasriyyo Le Mansoofa  Akah Xayyoosak  Assakat Le  Taamoomi Akkuk Geytimitam  Yiysixxige.