Guubah Mayso Qikkibow Doolatih Mabla iyya Ammuntal Ummatta Konferensi Abqaala Magaalal Gexsen. - ENA Qafar Afa
Guubah Mayso Qikkibow Doolatih Mabla iyya Ammuntal Ummatta Konferensi Abqaala Magaalal Gexsen.
Addis Abab,Ciggilta-Kudok 21,2018,(ENA)
Guubah Mayso Qikkibow Doolatih Mabla iyya Ammuntal Wakti Caalatay,Baaxo Kee Dariifa Caagiida Wagsiisak Ummattâ konferensi Abqaala Magaalal Gexsen.
Ta Aracal Leeda partik Malâ Buxah Adoytaay Rakaakayak Ciggiila prezxentih Bilhadal maddur Kilsterih Koobaahisey Pilaan Kee Daddos Biiroh Saqal Gifta Qali Macammad Macmuuduy, Abqaala Magaalah Xiinissoh Miraaciinuy,Awdoodi Miraacinu Kee Ayyunti Elle Geytime.
Ta Aracal Gifta Qali Macammad Macmuud Leedâ Taturte Liggiditteh Addal kulli Langitteh Caddol Abak Temeete Taamoomiy,Geytimteh Yan Xaloot kee Foocah fan Takku Wayta Taama Wagittaamal Kutbeyta Elle Xayyoosse.
Xayyowteh Tan Kutbeytal Ta Konferensit Tengeleh Tan Ayyunti Exaaxi Baxaabaxsale Esseroora kee Mablooli Elle Ugusen.
Ayyunti Uguteh Tan Esserooral Abqaala Magaalah Xiinissok Naharsi Saqal Gifta Cassan Qabdalla Kee kilbatti Rasuk Ciggiila Saqal Gifta Anwar Qaliyyu abteh Tan Gacsa Abte.
Ta Konferensik Amô gacsal Gifta Qali Macammad Macmuud Leeda Parti warrayte liggidittel Gexe Kalitte Saami Fan Korisaak Kulli Luddal Assakat le xali Geytimam qaddoyse.
Leeda Parti Ayyunti Mabla kee Kas sitta Fan Baahak Ayyunti Gabat Agalel Diggale Partiiy Maqar Le Baaxô Xasso Maqarroowak Gexelem Yiysixige.