Rakaakayak  Caddol Qaafiyat luddal dudda le Miraaciinu Ginaanam Wagittaamal Lica Alsah Barisak Sugte Fanti Caddo Kee Gubi Caddoh Miraaciinu Dooqaysisse.

Addis Ababa C/Kudok 17/2017(ENA) Qaafiyat Biiro  Rakaakayak Caddol  Qaafiyat luddal dudda le mirraacinu ginaanam wagittaamal  lica alsah Barisak sugen Fanti Caddol kee Gubu Caddoh mirraaacinu Dooqayisen. 

 

Tama Dooqaysoh Aracal Qaafiyat Malaakak Ciggilta Malaakah Tan Gifti Sehrala Qabdulahiy, Qaafiyat Biirok Naharsi Saqalah Yan Massakaxxale Yaasin Cabiibiy, Qaafiyat Biirok Miraaciini Makaadoh Adoytiitiy, Amref Health Africah Awlaytit Kee Dooqaysimeenit Edde Tengeleh Sugtem Tamixxige. 

 

Ta Aydakaakan Sidiica Daqaarih Caddol Qaafiyat Langil Duddale Miraaciinu Ginaanam Wagittaamal Lica Alsa Takkem Acayuk Sugeenim Kee Labha 56 Sayyó 24 Sittat 80 Yakke Mara Dooqaysiiseenim Tamixxige. 

 

Ta Aydakaakan Qaafiyat Malaakay, Qaafiyat Biiro Kee Amref Health Africa Sitta Luk Cattiimak Sidiica Daqaarih Caddol Acayuk Sugeenim Tamixxige. 

 

Tama Aracal Geytimak Yab Abteh Sugtem Qaafiyat Malaakak Ciggilta Malaakah Tan Gifti Sehrala Qabdulah Kinnuuk Inteemih Tah Qaafiyat Langi Miraacissam Dudda Ado Ginnuh Kaxxa Doori Le Aydakaakan Kinnuuk Geyten Barittot Nagay Tantifiqimeenim Faxximta Axcuk Kassisseek Gamadal Dooqaysimeenitik Unkaq Ruffa Inteenim Axcuk Farmo Tatrusse. 

 

Tonnah Kaadu Ciggiilak Qaafiyat Biirok Naharsi Saqalah Yan Massakaxxale Yaasin Cabiib Iyyeemih Qaafiyat Langil Duddale Miraaciinu Hadalluh Ta Aydakaakan Sidiica Daqaarih Caddol Amref Luk Cattiimak Acayuk Sugnem Kee Ta Aydakaakan Baarisak Gexxennom Kinnuuk Asaaku Dooqaysimte Dooqaysimeenitik Geyten Ixxigat Abinah Tantifiqimeenim Faxximta Axcuk Farmo Tatruse.