Doolat  Tasgalle  leeda Dabisoonuh  Sidco Takke lafale  caagidah Hangi Acyuk Taamitak geytiman   - doolat angaarawih ayfaafa 

Addis Ababa, Ciggiila  kudok  15/2018  (ENA):- Agat Xisneh Gexso maqarroosonu kee Tasgalle leeda Dabisoonuh   Doolat Lafale Sidico Caagidih  Hangi  akah acyuk taamitak geytimaanam  Doolat Angaarawih Ayfaafay  Yiysixxge. 

 

Doolat Angaarawih Ayfaafay Yeyyeeqeh Yan Maybalaalaqal Elle Yascassennal, Demokraasi Xiseeney, Fantenaani  diggosaanamay  Agat Caddol Sittin Gey Ginnaanam Kinnim  Qaddoosen. 

 

Ta sidiica qamiddu agat inkittinaaneey, salaam kee leedaay, tonnah Agat xayloh aamaniti kee essertimiyyal rakuh tan mabla sittalluk abit Rakiiboh le kinnim yiysixxgen. 

 

Dimokraasi xisoh gexsit inki baaxoh muhimmik Tanim kinnuuk Currik Tan  duddale Fantenaani  xisaanamal hangi Akah acyuk Taamitak Geytimaanah Fantenaanih  miraacissah tan Siirat  kee gexsititte Akah ayyaaquk Fantenaanih Rakkisoosa kee xisne diggoosak  ummattah addal loonuh Yanin aamaniti maqarroosonuh doolat ta caagidil baxsale hangi acayuk taamitak geytiman. 

 

Doolat maqar le demokraasih  siirat ginek  maqar le demokraasih Fantenaani ginnimtah   maqarrowta waqd  digga le doolat Ginnitam ascassuk,  Itiyoppiya Taturte 7 Liggidih addat Demokraasih Fantenaanih Xisneh Gexsit Caddol Baar Le Riformi Taama Abak Geytimtam Qaddoosen. 

 

Tah  Milaagi  Doolat Baaxoh Sarrimaane Madqah Currik Tan Maqarle Demokraasih Institutionitte Xisoonuh Leh Tan Fayxi Tascasse. 

 

Ta Fantenaani  maqarroosaanam baaxoh addal sarrimaane le salaam kee daddos yasmitoonuh lafale qamidduh Raqtam kinnim qaddoosen. 

 

Baxsaluk, agat caddol Yekke milaaguk Gamdal  demokraasih Fantenaanih  addal Ambullayuk Geytimita xalitte assakat lem ascassuk sahdayti baxih  cakki  dacarisaanam   ummattah addal aamanti   diggoysoonuh kaxxa doori lem tamixxige. Doolat xisoosah dudda dadlisak kee curriyyat diggoysak demokraasih dariifa baarisaanamih dirki kibtam dubuh hinnay, demokraasih dadala elle yakke dudda le dariifa kee rakissoosa ginak geytimaanam qaddoosen. 

 

Ta Hadaf Arac Xaguh Doolat  Saay, Qadliiy, Sivil  Kee Mediyah Fantenaaniy Tonnah Agat Dooroh Borxi Ummatta Fanteena abtah tan malakmiseh Tan  fantenaani xisoonuh Doolat dudda le Maragqa luk Taamitak geytimaanam Baxxaqisen. 

 

Amolladih Doolat Ayyunti Koobaahissot Maqar kee Leedimte Itiyoppiyah Ginnoonuh  mangoh yan  Macal abak Demokraasi Xisneey, Fantenaani  Maqarroosaanam Kee Agat Caddol Sittin Geyi Ginaanamal Hangi Akah Acyuk Taamitak Geytiman. 

 

Doolat Angaarawih Ayfaafay 

 

#Itiyoppiyak_Xaagi_Raceyna #ENA.