Qikkiboh   Doolat  Itiyoppiyak  Maqaddin   Gaddat Elle  Faxximita  Gurral  Edde  Antifiquk   Qidaddo  Dadalal   Kaxxa  Doori   Digrak   Geytima.

 

 Addis  Ababa   Ciggilta Kudok / 14 /2018(Ena) Qikkiboh  Doolat   Itiyopppiyak Maqaddin Gaddat Elle Faxximita Gurral Edde  Antifiquk  Qidaddo Dadalah  Kaxxa  Doori Digrak Geytimam  Maqaddin  Malaakah   Yan    E/R  Habtamu Tegen Qaddoose.

Ta   Malaak  Ens  Luk Abeh Yan Yaabal Elle  Qaddoosennal    Qikkiboh  Doolatih Mabalal  Maqaddin  Gadda Dadlisoonuy   Agat  Madduruk Xiirol  Lafa  Yakkuh   Faxxiimah  Yan Macala Akkuk  Geytimih Yanim Qaddoose.   

 

Maqaddin  Luddi   Taturte Dagoo Sanootah Addat  Doolat Baxsale Hangi  Akah Acyuk Elle   Taamitak Geytimta   Koonoy  Takke   Lafale  Exxaaxiy  Agat  Madduuk  Mafatac Raqtak   Tiyak Teena Kinnim Ascassuk   Itiyoppiyak   Buqreey , Sanaaqattay, Xisneey  Kalah Tan Luddittel  Satqo  Xayyoosiyya   Ta Luddittek  Maqaddin Gaddi Lewannna  Kinnim  Yiysixxige.

Doolat Elle   Taamiteh Faxximita Luddite Baxisak Lon Gaddat Elle Faxximita Gurral Yantifiqoonuh   Poolisite  Akah Missoosak Abak  Geytiman   Taamooomi   Ta Luddal Investementi  Ossisak  Geytimtah Tanim  Qaddoose.

 

 Ta  Luddal  Ramidik  Aben Milaagi   Baxsa Luk  Iro Baaxok Geyan Tellemmoh Culenta  Fayya Haak    Geytimam  Ascssuk  , Tama Luddih Caddol  Warraye Mizaaniyyat  Liggidih Addat  3.5 Bilyoonih Dollarak Dag Takke Lakqo  Geyeenim   Baxxaqisak Asanat Ahak Muxxi Yakke  Culenta Geyoonuh Ekraariseenih Yaniinim Qaddoose

Qikkiboh Doolat Ta Luddah Teceh Tan   Hangik Ugtak    Culenti Raceena Xayyoosaanam Dibuk Hinnay Sanaaqatta Xisak   Faxxiimah Yan  Maqaddin  Baaxoh Addah Murtissol Akah Yantifiqen  Innah Abak Geytimaanam  Qaddoose.