Xijitaal Itiyoppiya 2030 Makcaggur Yangalen Leeda Elle Diggoosam Xiqah yan Caalat Ginale- Ciggiila Naharsi Malak Temesgen Tiruneh - ENA Qafar Afa
Xijitaal Itiyoppiya 2030 Makcaggur Yangalen Leeda Elle Diggoosam Xiqah yan Caalat Ginale- Ciggiila Naharsi Malak Temesgen Tiruneh
Addis Ababa; C/Kudok 13/2018 (EZA): Xijitaal Itiyoppiya 2030 Makcaggur Yangalen Leeda Elle Diggoosanam Xiqan Caalat Ginalem Ciggiila Naharsi Malaakay Agatak Xijital Tabaatabsih Malah Buxak Saqal Temesgen Tiruneh Qaddoose.
Ciggiila Naharsi Malaakay Agatak Xijital Tabaatabsih Malah Buxak Saqalah Yan Gifta Temesgen Tiruneh Xijital Itiyoppiya 2025 Mamarraqaay Xijital Itiyoppiya 2030 Makcaggurih Qimbisissoh Taddeera Wagsiisak Farmo Tatruse.
Tatruseh Yan Farmol Itiyoppiya Dadalah Fayxi Leeh Dadalatuh Dudda Leh Tan Baaxo Kinnim Ascassuk,Agat Caddol Dadlah Fayxi Kee Duddah Yasgooroweenimih Maknay Edde Yanim Xijitaal Teknoloji Kinnimil Aaminuk Hangi Akah Acyuk Taamitak Elle Geytimaanam Qaddoose
Doolat Baaxoh Addah Madduurih Milaaguuy 10 Sanatih Daddos Ikraaro Kee Afrikah Qarangubal Tabaatabsih Makcaggurul Rakitak Xijital Itiyoppiyah Taddeera Qimbiseenim Kassiise.
Ta Rakiiboh Abak Bicisen Xijitaal Itiyoppiya 2025 Makcagguru Itiyoppiyak Xijital Safar Geeri Mafdaga Tabiseh Yanim Yescesse.
Ta Makcaggur Agat Caddol Maaliyyah Siiratay, Ayfaf Mattacooy, Ummattah Fanih Angaaraway, Tellemmo Siiratay Doolat Guddusiyyaay, Amni Kee Nagayniina, Kee Mangaafah Rettaami Edde Anuk Baxaabaxsa Le Siirat Milaagteh Tanim Kassiise.
Qunxaaneytak Masenkacaay Saykoloojiiy, Abbinosiyye Siirat Milaagak Geytmitam Xijital Luddih Dadalah Kaxxa Doori Lem Baxxaqise.
Xijitaal Itiyoppiya 2030 Makcagguru Baaxo Xaylo Fanteenah Abah Yan Doolat Siirat Barisoonuy Inkih Yangalen Xijital Ayfaf Xayyoosaanamay Muddaqiino Kee Nagayaniinah Leh Yan Xijitaal Siiratih Wadbisso Baarisaanam Kinnih Tanim Yiysixxige.
Tahak Ugutak Amolladih Itiyoppiyak Maddur Dadala Dijital Tabaatabsa Diggoosah Yan Inkihb Yangalen Leeda Yasissikeh Yan Caagiida Akkele Axcuk Qaddoose.
Doolat Xijital Itiyoppiya 2030 Makcagguru Abbinoysoonuh Digga Le Maragqa Luk Taamitak Geytimaanah Inkih Tan Wagitah Tan Dagoritte Arac Xagtuh Isinni Loftak Akah Yawqen Innah Seeco Xayyoosen