Qafar rakaakayak Musliim Qunxaaneyti malà buxah xisen acarra Akkale.

 

 

Addis Ababa,Ciggilta kudok 12, 2018 (ENA)Ityoppiyak Muslim Qunxaaneytih Maláh Buxak Qafar Rakaakih Maláh Buxah Xisne acarra akkele axcuk qammaalan.

 

Tama Gudgudul Qafár Agatih Rakaakayih Doolatak Fayya le Miraaciinuuy, Federaalak Islaaminâ Caagiidah Makah buxak fayya le miraaciinuuy, Qafár Rakaakayak Islaaminna Caagiidah Maláh Buxah Miraaciinuuy, Qolomaay, Qunxaaneytaay, baaxô Kasleey, Maglableela kee Seeco kah aben qibina elle geytimele axcuk qammaalan.

 

Naharsí Malaak Dr. Abiy Acmad Miraacisah yan Leedâ Parti Miraacissa doolat xissinteeh lakal Ityoppiyah Doolatih Aydaadul Muslim ummatta isi caagid hebeltô mammaasa sinnim abitak geytimtam kee geytinte Faydoodik tiyak teena curriino kinnim warsan.

 

Tah tannal anuk, Ityoppiyak Doolatiini aydaadul qimmoh addah Ityoppiyah Muslimiin key caagida abam Duuda Majlisih dooro dagoo alsitteek dumal tekkeh sugtem tamixxige.

 

Ityoopiyak Islaam Caagiidah Maláh Buxa xissinteemik dagoo alsittek lakal Ityoppiyak Muslim Qunxaaneytih Malah buxah xisne tekke. Acarra Qafár Rakaakayal akkele axcuk qammaalan tama xisne Qafár Qunxaaneyti Ityoppiyal isinni foxot gacaanaah, gersi mari gennaan saamit isinni lofta yalloonuh gita faktam kinnim warsanenim Qafarak Mangaffa Rettimah Oyti Yascasse.