Itiyoppiyak Tellemmo Banki Qusbih Buqreh Luddal Abudu Yacem Qimbise.

 

 Addis ababa Ciggilta kudok 9/2018(ENA) Itiyoppiyak Kabxâ Banki Buqrê Luddal Murtisso Dadlisaanam Kee Barri Tabaatabsa Diggoosuh Qusba Buqreh Abuud Maaliyyah Ayfaf Asaakih Ayro Addis Ababal Qimmise.

Itiyoppiyak Kabxâ Bankik Korporeet Ayfaafayitteh Ciggiila Pirezdanti Ato Efrayim Mekuriya Elle Qaddosennal; banki’k maaliyyah ayfaafay buqre sekteril buqre cugaysoosah lowsis gubat haak geytima.

 

Maaliyyah Ayfaf Qimbise Iro Baaxoh Lakqo kee Abuud Xayooselem Caxaaxuwaay, Baxaabaxsale Buqreh Uwwaytiiy, Maashinerittee kee Buqreh Kemikaalitte Xaamoonuh.

Elle yescessimeenim maaliyyah qokol murti murtiiy, saqi aydorriiy, makaazin yoofentitteey, taamah abuud, can kee canti murtiiy, tonnah caxaaxuwaay, caxâ baxa kee qobor murtissoh cugaysoosa kinnim qaddosen.

Buqre Kee Buqre Malaakah Yan Meles Mekonnen (PhD) Isi Katuk, Buqre Maaliyyah Caagiidal Tama Sekterih Manoh Caddo Kinnim Kee Barri Caddoh Tabsi Akah Yakkennah Abaanam Faxximtam Kassiise. 

Buqreh xiinah qokol mekanizeeshin antifiqquk murti kee murtisso osisaanam kee buqre baaxo baarisaanam qimboh addah ajenxa kinnim; usuk baxxaaqiseh too maaliyyah faximtah tan doori digirta maaqiddi amobaxxaaqa kee iroh yawqi dadalal. 

 

Ityoppiyak Agat Bankih Awlaytah Tan Wineshet Zeberga Abeh Yan Yaabal, Buqre Maaliyyah Dacarsittoh Xiinah Aysaxaaxag, Limo Sabhalal Lem Kee Kulli Maaliyyah Siirat Xisoonuh Kaxxa Tuxxiq Lem Kassiise. 

Ta Banki fooca fanah qokol kee lowsis akah aban innah cugaysoosa yuscuben caxa baxa akah bahtannah. 

Itiyoppiyak xaagi Raceena