Itiyoppiyah xiplomaasih gital esserak geytimtah tan baddi furdah essero raddi geytam faxximtah tanim xiyasporah adoyta Abobakar macamuuduy qaddoose - ENA Qafar Afa
Itiyoppiyah xiplomaasih gital esserak geytimtah tan baddi furdah essero raddi geytam faxximtah tanim xiyasporah adoyta Abobakar macamuuduy qaddoose
Addis Ababa C/Kudok 8/2018(ENA):-Itiyoppiyaay Awayih Uddur Xiplomaasih Gital Esserak Geytimtah Tan Baddi Furdah Essero Faxxiimak Sugte Esseroy Xiplomaasiiy,Saay Kee Salaamal Raddi Geytam Faxximtah Tanim Qafar Xiyasporah Adoytaay,Qafar Xoyasporah Inkittiino Arac Xagtuh Macalak Yemeeteh Yan Abobakar Macmuuduuy Qaddoyse.
Xiyasporah Adoyta Abobakar Macmuuduuy Itiyoppiyyaay Sanat 1982 I.L.L Fan Qasa-Badih Furdat Anttaffaqquk Sugteh Tanim Kassiisakaay Awayih Udduruuy Itiyoppiya Leh Tan Essero Aydaadi Esseroy Faxxiimak Sugte Kinnih Tanimiiy Yescesse.
Itiyoppiyah Doolataay Elle Essertah Tan Saay Kee Salaamaay Yaceeniih Oggolaanamih Gexsit Baad Caddoh Xiplomaasih Gexsit Kinnuukuuy Afrikah Gaysa Siitallih Dadaltaamih Fayxi Teetik Tayballeh Tan Ximmo Kinnih Tanim ENAik Qafar afih exxa Luk Wakti Haysiteh Yan Xiyasporah Adoyta Abobakar Macmuuduuy Kassiise.
Awayih Udduruuy Ayrô Mawqag Afrikah Caddol Itiyoppiya Leh Tan Doorii Kee Geo-Polticsi Doori Teetik Wagteenikiiy Baxsa Le Doori Leh Tanim Baxxaqisakaay Qasa-Badih Furda Geytah Tanim Ayrô Mawah Afrikah Dariifah Fanta-Axawah Baxsa Le Doori Leh Taniimitiiy Yaabem.
Itiyoppiya Leh Tan Baddi Furdah ikoytiinoh Essero aydaaduuy, geographicil Madqal Raukuh tanih tan essero kinnim qaddoose.
Gifta Abobakar Macmuuduuy Qasa-Bad Kee Qafar Aydaadi Baxsa Leh Yanim Kee Qafar Ummataay Qasa Badih Ikoytiinu Leh Tan Ummatta Kinnih Tanimiiy Baxxaqise.
Tahaak Ugutaakaay Qafar Ummataay Faxekkel Tanay Isinni Inkittinaane Diggoysakaay Awayih Uddur Ayrô Mawaqah Afrikal Tamballeh Tan Caaloota Cubbussak Itiyoppiyah Doolat Esserak Geytimta Baddi Furdah Esserot Isinni Doori Digraanam Faxximtamaay Yescesse.
Itiyoppiya Leh Tan Fayxi Kee Elle Essertah Tan Giti Baad Xiplomaasih Caddol Oggol Teetik Giyak Geytimah Yanim Xiyasporah Adoyta Gifta Abobakar Macamuuduuy ENA Luk Haysiteh Yan Udduuruluuy Qaddoyse.
#Itiyoppiyak-Xaagi-Raceena #ENA