FAYDA Mamaxxagah Tuxxiiq Wagittaamal Rakaakayak Fayya le Miraaciinuh Tucced Aydakaakan Antacawwuk Geytima.

ddis Ababa Ciggilta kudok 08, 2018 (ENA) FAYDA Mamaxxagah Tuxxiiq Kee Mayaqarra Wagittaamal Rakaakayak Fayya le Miraaciinuh Tucced Aydakaakan Antacawwuk Geytima

Tama gudgud yaabal fakeh yan Leedá Partìk Qafar Rakaakayih Luddih K/buxak  Saqalah yan Massakaxxale  Macammad Cuseen Qaliisa Baaxô caddol Digital Mamaxxaga  Qasri Ityoppiya aracat gactuh kaxxa doori lem dubuh hinnay Agatak ayyuntiinooy,  Maddur kee Siyaasa dadal arac gacuuy nummal rakitta kinnaane daabisoonuh baxsa le doori digirtam duddam diggoyse. 

 

Fayyda Digital Mamaxxagah Porograamak Taama gexseh yan Gifta Ayhuuda Arayasillaase Silaase Baaxô Caddol edde nan 2018 liggidih addat FAYDA Mamaxxagah Maysaqarra 100% aracat gactam faxxinta axcuk Naharsí Malaak Dr. Abiy Acmad yecee afkan aracat gacuh inkih tan rakaakayitte Kee Magaalâ Xiinissoosa luk taamitak geytimaanam yescesse.

 

 FAYDA Mamaxxaga elle faxxinta innal aracat gactuh miraaciinuk baxsa le taama faxxintam yescesseh yan Gifta Ayhuuda Arayesillase ciggiltah tan laca alsitteh addal Qusba gurral taamitak tayse taama aboonuh afkanitte daffeyteh tanim yescesse. 

FAYDAH Mamaxxaga Agatak Qasrì Weelo maqarrowtuh Milaagi Doolat Fidiseh yan Mamaxxagah Ayfaafay kinnim tamixxige.

Aham fanah Agat caddol 29.6 Milyoon yakke mari Maysaqarra abeh yanim Agatak FAYDA Digital Mamaxxagah Porograamih oyti yascasse.