samarâ jaamiqatal Gaali Qaafiyatih  Dacarisiyyay  Haanaawisiyya Kee Nagayaniinal Hangi Haytah Tan  Koona Sanatih  Cuggayso  Qimbissen.

Addis  Ababa   Ciggilta  Kudok  7/2018 (ENA):  Gaali Qaafiyatih  Dacarisiyyay Hanaawisiyya Kee   Nagayaniinal Hangi Haak Taaamitah Tan Koona Sanatih Cuggayso  Samarâ Jaamiqata Qimbisisseh Tanim Tiysixxige.  
Tama Cuggaysot   Axxis Ababah  Jaamiqatak Saqi Qaafiyat  Kee  Buqre  Kollejik  Kee  Samarâ  Jaamiqat  Sitta Lu Cattiimak Yamaate Koona Sanatih Addat Gaali Qaafiyatih Dacayirsiyyaay   Hanaawisiyya  Kee Nagayaniinah Hangi Akah  Acyuk Taamite Loonum Yiysixxigen.

Samarâ   Jaamiqatak Kusaq Kee Technology Tabaatabasak Ciggiila Predentih   Adam Qali Tama  Cuggaysoh  Fakkenti    Taddeeral   Abeh Yaabal Iyyeemih   Dacarsittoh Xiinak  Mano Yaysiisoonuh Mango Taamoomi Akkuk Geytimtam Qaddoose.

Gaalal  Hangi Haak Taamita  Cuggaysoosa Kaxxam Amixxige Waytam Ascassuk , Ta  Cuggayso  Baxsa Luk Dacarsitto Xiina Mano Rakiibo Abak  Gaali Qaafiyat Dacarisak Muritissoh Kaxxa Doori Lem Qaddoose.
Tama Cuggayso  Abbinos  Udduurih Addat 16 Miliyoonih Birrih Mizaaniyyat Yibbixeenim Kassiise.
 Tama  Cuggaysok Fakkenti  Taddeeral Geytimeh Yan  Addis Ababah Jaamiqatih   Perediantih Awlatuuy  Jaamiqatak Saqi Dayla  Kee   Buqreh Kollejih  Saqla  Dr. Hika Wakotola   Ta Cugayso Gaali Daylaay, Hanaawisiyya Kee Nagayaniina  Diggoosak Dacarsittoh Xiina Mano Yaysiisoonuh   Kaxxa Doori Leh  Tanim  Qaddoose. 

 Tonnah Baaxo Caddol Baxaabaxsa  Le Dariifal   Saqi Qaafiyatal  Mango Taama Abak Sugeenim Ascassuk, Sacara  Dariifal Ayfaf  Yaceh Yanih  Dacarsitto Xiinah Ayyunak  Mammaxxagah Astah  Yan  Gaalal  Faxximtah  Tan Taama Akke Wayteh Tanim Qaddoose.
Ta Taqbi Yafdigoonuh Ta  Cuggaysok  Mabalah  Caddol  Kussaaqisak Mango Wakti Sugeenim Qaddoose. 
Xayi Waktih Addat Taama  Qimbisu  Waytah Tan Cuggayso   Addis Ababah Jaamiqat Kee Samarâ   Jaamiqat Sitta Luk  Abbinooselem  Yiysixxige.
Addis Ababah Jaamiqatak Mango Sanootah Saqi Dayli Kee Buqre Kollejil   Barisak Sugeh Yan Profeser Getachew  Fakadu  Kee Kalah Tan Kusaq Abeenit Tonnah Kaadu Samarâ  Jaamiqatih  Mirraacinu Kee Barseenit Tama Cuggaysoh  Fakkentih   Taddeeral  Geytimen.

itiyoppiyak xaagi raceena