Xijital Siiratal Rakitak Sittat Angaarow Leh Tan Xisen Le Gabbaaqu Abbinoosoonuh Kibnele Bicitte Akkuk Geytimta.

Addis  Ababa   Ciggilta  Kudokn   6/2018(ENA): Xijital  Siirat Rakitak  Sittat Angaaraw Leh Yan Gabbaaqu  Fantenaanil   Abbinoysoonuh  Dudda Leh Tan  Bicitte Abak Geytimaanam Qaddoose.

Leedâ Paarti Inki Ikraaroy , Inki Gabbaaquy, Xigitaal Leedah Abnisso Kee ERP Automation Abnisso Aydakaakan Rakaakayak Ludditte Kee Fantenaani Mihratleelah Samaral Magaalal Yaceenim Qemmise.

 

 Qafar Rakaakayak Samara  Magaalal   Qimbissen  Aydakaakan Gudgudul Fakkenti Abeh Yan  Leedâ Missoynak   Ximokraasih Siiratih Fanteenah Saqal Ambaasaxxer Casan Qabdulkaadir Baaxo Caddol Qemmisen Sissin Daddos Kee Istraatijik Taamomi Baaxo Caddol Inki Ikraaro Kee Gabbaaqi Faxximaamih Taagah Tah Kaadu Aracat Gactuh Leedâ Paarti Caddol Aydakaakan Kulli Rakaakayak Paarti Miraacinnu Kee Mihratleelah Yaceenim Qemmiseenim Yescesse.

 

Baaxo Caddol Itiyoppiyah Daylo Inkih Sitta Celtta Gabatagle Edde Leh Tan Qikkibo Doolatih Gexsit Akah Xiggiwonah Digitalization Qasrisanam Faxximmttam Ambassador Casan Qabdulkaadir Yescesse. 

Leedâ Paartik Qafar Rakaakayih Luddih K/Buxak Xisne Langih Saqal Gifta Walqo Aytile  Wakti Digitalization Kinnuk Qafar Rakaakayak Qasrit Yangaluh Ta Bisu Le Aydakaakan Beyanam Taamomi Qasrisonuh Kaxxa Doori Lem Yescesse. 

 

Qafar Rakaakay Baaxo Caddol Siyaasay , Maddur Kee Gexsi Luddittel Baxsale Gabatagle Akah Yaalenah Abeh Yan Qoikkibo Doolatih Gexsit Qasriino Leh Tan Milaagi Taamomi Abak Geytimam Gifta Walqo Aytile Qaddoose.

Ta Aydakaakan Kulli Luddal Takkeh Tan Daddos  Taamoomi  Baxisak,  Raqtem Elle Faxximta Gurral  Sekkaacisak Fantenaanik   Xiinissoh Fokkaaqo Xijitaal Abak, Qasriino Le  Abnisso  Maqarroosonuh   Cato  Akkalem   Qaddoosen.
Itiyoppiyak  Xaagi  Raceena