Buqre Tabaatabasih Ajenxa Maqarroosonuh Baxaabaxsa le Taamoomi Akkuk geytimita.

Addis Ababa ciggilta kudok 6/2018(ENA) Buqre Tabaatabasih ajenxa aracat hoonuh maaqiddi caabi yasmitoonuh baxaabaxsale Taamoomi akkuk geytimitam Buqre malaakah  Addisu Arega qaddoose.
Buqre Malaak 2 Bilyoon Birriik Daga Takke Lakqot Xaameh Yanin Makaayin Yecee. 

 

Buqre Malaak 2 Biliyoonih Birriik Daga Takke Lakqoh Xaameh Buqreh Uwwaytitte Kee Makaayin Federal Institutionitteey, Magaalol Xiinisso Kee Rakaakayittel Tabse. 

Buqre Malaakah Yan Gifta Addisu Arega Elle Qaddosennal Ta Culentitte Buqre Tabaatabsi Arac Xaguh Kaxxa Doori Digrelem Yiysixxige. 

Ta malaak elle yescessennal qokoluh yeceenih yanin duyyeeya 267 takke kokkobitte Kee 1,854 takke motoor saykilitteey, 2,289 takke lee pampitte kee dammiyoh silaacitteh kinnim qaddoyse. 

 

Tama Qokol Baad Banki, Afrikah Daddos Banki Kee Kalah Tan Qokol Eglaali Kinnim Qaddoose; usuk kassisem xayyowteh tan gadditte wagittah tan daqoorit fan sissikuk gufsaanam faxximtam qammalsimta xaloot geyoonuh. 

Itiyoppiya 38.5 Miliyoonih Hektaar Takke Buqre Baaxo Lem Malaak Yescesse; Tah xoqoysimak maaqiddi nagaytaniina yasmiteenim faxxinta. 

Ta Malaak elle warsennal; Buqreh Xiina Kee Dacarsittoh Xiinah Buqreh Abuud Yacoonuh Baaxoh Addal Qimbisen Taama Bisoh Axcelem Kee Tamah Hadaf Dacarsittoh Xiina Laahik Baxisak Buqre Dadlisaanam Makaanayzeeshin Gitaak Akah Yallennah Abak Geytimaanam Qaddoosen. 

Baaxo Kinnuk Maaqiddi Kibaalissoh Dibuk Hinnay Tonnah Maaqiddi Muddaqiino Diggosnuh Taamitnam Faxximtam Yescesse.
Itiyoppiyak xaagi Raceena.