Poliyo ▪️ Poliyo Kak iyyaanam Poliyovirus kataatah yan tabaatabta biyaakay xeflih sayyo biyaaka.

▪️ Ta vayres manoxer xagar erkanna kataasaah, saaqootah addat raba fan beytam bictah. 

Poliyoh umaala qaynoota 

1️⃣ Astooti sinni

90-95% gaba takke maritte poliyot yibbixsime astooti mayaybulla. Takkay ikkah tama vayres baxcisaanam kee gersi maral yabbixeenim duudaanah. 

2️⃣ Qunxa poliyo

4-8% gaba takke ummatta xaggimte sahlin astooti le. too astooti 2-5 ayroh gide sugtaah, liqnaay, moyya berraay, qunti dale kee alliyo edde anuk. too astooti mango uddur inki gabuuk bayta.

3️⃣ Elle biyaakitah yan poliyo

1% gufa umaalooli gibdi poliyoh cibta fan beyta. Vayros ramooda maysattaka abaah, maasoy biyak kee garciik maasoy qaku bahsiisa (Acute Flaccid Paralysis).

Tah mangom qanxaffe kee qanxaffet cultaah, 5%–10% gaba takke maritte, ufuy rubti qanxaffet cultaah, rabe wayta. 

Poliyoh tabaatabih gititte

▪️Poliyoh vayres yaanam sarrimaanele vayresiy mangom afti gitaak xagarat culta.

▪️Ta vayres xaggiimeh yan numih daacoh addat yan vayres saytunaane sinni gurral (ceelalloh wasakak tan gabaay, wasakle lee kee maaqo) qaafiyat le numuk af cule waqdi tabaataba.

Poliyo mannal kalalaanam xiqqimtam

▪️Poliyoh biyak dayla maliiy, Aftabi kaadu tet kalalu yaanama.

 1988 xabba haanam poliyoh aftabi baad caddol 20 milyoonuk daga takke xagar dig biyaakitte meqennal kalalimteh. 

Poliyoh baarimiyya waasnuh maca abnam xiqnaah? 

 Gaba saytunaane gibbata : Gaba qagaaqagitak saabun kee leet kaqlisaanam baxsa luk daaco buxak tawqeeniik lakal kee maaqo xagaanamak naharal.

▪️ Saytun maqub leet dubuk xoqoysimaanam kee maaqo elle faxximtannal massoosaanama . 

#poliyo