Agat caddol yekke milaaguk Lakal  Qafar rakaakayih ummattah siyaasa gabah assagolla  kee qadliino le daddos  tuxxiiqitte  geyak geytiman-  Samara-loogiya.

 

Addis Ababal Ciggilta kudok 4/2018(ENA) Agat caddol yekke milaaguk lakal Qafar rakaakayih ummattah siyaasa gabah assagolla kee qadliino le daddos tuxxiiqitte geyak geytiman samara logiyah magaalah sugemtit yiysixxgen. 

 

Guubah meqeh xaagitte qikkiibow Doolatih xalootu iyyah ammuntal asaakih ayro samara logiyah magaalal ummatta konforonis gexisak geytiman.

 

Tama gudgudul tengeleh tan samara loogiyah ummatta agat caddol yekke milaaguk lakal Qafar rakaakayih ummattah siyaasah gabah assagolla kee qadliino le daddos tuxxiiqitte elle faxximta gurral geyak geytimaanam qaddoosen. 

 

Rakaakayal caddol Efeq daddos edde anuk gersi buqreh taamoomi baar luk gexsitak geytimtaamih taagah gaba makalak murtisso fanah taboonuh yakke macal assakatle gurral gexsitak geytimam qaddosen. 

 

Tama konforonisit Tengeleh Tan Marittek gifta Macammad Qabdulkaadir Qafar Rakaakayal Tekkeh Tan Daddos Taamoomi Kee Akkuk Geytimta Daddos Taamoomi Kaaduk Baaxoh Tuxxiq Lem Kassiise.

 

Qafar Rakaakayih Ummattak Siyaasah Gabah Assagolla Kee Daddos Tuxxiq Dumaahi Doolat Xiinissoh Gubat Qadliino Luk Suge Waytem ascassuk, Inki Gid Akkiyyi Kee Qadliino Milaagu Lih Abinah Ambullayuk geytimam Qaddoose. 

 

Tama gudgudul fanti Itiyoppiyah rakaakayak naharsi saqal Dr Indashaw Taasaw inkih tan dariifal daddos tamooomi diggoosak agat caddoh biso maxco yasmitoonuh doolat taamitak geytimaanam qaddoose.

 

Qafar Rakaakayal Tekkem Kee Akkuk Geytimta Inkih Tan Daddos Cuggaysoosa Tahak Meqe Ceelallo Kinnim Kassiisaak Ummattah Angagoyya Kee Sitta Lih Taamitaanam Fooca Fanah Akah diggowtannah Seeco Xayyoose. 

 

Buqreey Industiriiy, Wacaysir,maqaddin Kee Dijital Daddos Luddal Qimbimte Cuggaysoosa Meqe Gurral Akah Takkennah Sitta Lih Taamitaanam Faxximtam Kassiise.

 

Milaagi doolat mangattiinah inkittinaane diggoosak agat caddoh sittin geyih xisenle maqarle hadaf luk elle taamitak xaloot elle geytimeh yanim baxxaqise. 

 

Qadli Malaakah Tan Hanna Arayasillasse Isil Kabuk Akkuk Geytimta Mango ludditteh yan daddos tamooomi Ummatta Tuxxiqih fanateena akah yakkennah Hangi Akah acyuk taamitak Geytimaanam Qaddosse. 

 

Kulli dariifal uxih edde Antifiqe ween gaane gaddi yaniimih taagah baxsa luk qunxaaneyti digga luk baaxo milaaguh Taamitaanam faxximtam Qaddosse. 

 

Itiyoppiyak xaagi Raceena