Guubah meqe xaagitte qikkiibow Doolatih xaloot iyyah yan ammuntal ummatta konforonsi samarâ magaalal gexsitak geytima

 

Addis ababa Ciggilta kudok 4/2018(ENA)

Qafar Rakaakayih Qaasima Samarâ Magaalal "Guubah Meqe xaagitte, Qikkibow Doolatih Xalootu" Iyyah yan Ammontal Ummattah Walal Gudgud Gexsitak Geytima .

 

Tama Gudgudul Fanti Itiyoppiyah Rakaakayak Naharsi Saqal Dr Indashaw Taasew, Federaalak Qadli Malaakah Tan Gifti Hanna Arayasillase Miraacisak Rakaakayak Fayya le Miraaciinuuy Baaxoh Idoolay, Diini Abbobti kee Baxaabxsa le Ayyunti Exxaaxi Elle Tengele .

 

Gudgudul Geytimaak Yab Abeh Yan Fanti Itiyoppiyah Rakaakayak Naharsi Saqal Dr Endashaw Taasew iyyeemih Itiyoppiya Qimbisseh Tan Daddoosuuy Salaam Maqarroos, Ximokraasi Siiratih Dadal kee Baxaabxsa le Luddittel Qimbinteh tan Taamoomi Maqarroowak gexelem Yescesse .

 

Itiyoppiya Qabbay Karawwadih Dooqayso Edde Anuk Mangoh tan Baaxo Caddoh Cugaysoosa Abbinoosak Geytintam Kassiiseh yan Dr Endashaw Taasew Itiyoppiya F.L.L 2030 Fanah Afrikak Qimboh Caddoh Qidaddo Le Baaxo Abaanah Baad Caddol Ilaa 10 Hayto Caddo Fan Le Baaxo Abaanamih Ikraaro Abbinoowak Geytintam Diggoose .

 

Gifta Qumar Nuur Qarba Rakaakayak Ciggiila Prezixentiiy Ardi Biiroh Saqal Kinnuuk Iyyeemih Leeda parti Xissibtem kee Akkeh Mngo Xaloot le Taamoomi Abbinoosak Geytintam Ascassuuk Leeda Parti Qimbisaanam Dibuh Hinnay Qimbiseenim Sissikaane kee Mexxatal Gaba Kalaanamih Qaada Leh Tanim Kassiise .

 

Takkeh Tan Taama Bisoh intuh Ummatta Doolat kee Partik Xaqut Gacak Raqtem Aybulluyukuuy, Tekkem Aydukumusak Gexaanam Faxxintah Tanim Gifta Qumar Nuur Qarba Qaddoose .

 

Gudgudul Leeda Partik Qafar Rakaakayih Luddih Ku Buxak Xisne Langih Saqal Gifta Walqo Aytile Kutbeyta Xayyoosak Fidin Walal Elle Akkuk Geytima .