Inkih Tan Siyaasa Missoynaani Raagte Taqbitte Yafdigoonuh Agatak Agaarad Komshiinit Gabat Agle Haanam Faxximta

Addis  Ababa  Ciggilta Kudok  3/2018(ENA)

Inkih Tan Siyaasa Missoynaani   Raagate Taqbitte Yafdigoonuh  Agaarad Kee Walalah Bicak  Agatak Agaarad  Komshiinit Gabah Assagolla Haanam  Faxximta Itiyoppiya Tengeleh  Siyaasa Missoynaani  Mala Buxah  Qaddoosen.

Itiyoppiya  Inkih Yasgalleh Yan  Agaarad Gudgud   Rakiibo Abak Agat  Caddoh Sittingey  Ginniimuh Agatak Agaarad Komishiin Taamitak  Geytiman.

Agat Agaarad Komishiin Akah Xissime  Daboonah Sitta Fanal Lino  Adda  Taqbitte  Walal  Calli Geytuh   Booditte  Agaaradal   Yafdigeenimih  Qaada   Xisoonuy  Ximokraasih Siiratih   Xisneh Bica Leh  Tabsi  Gita  Ginnoonu  Kinnim Qaddoose.

Itiyoppiyak Siyaasa  Missoynaanik  Tengele Malah  Buxah   Koobahiseenah Yan  Selomun    Ayele   ENA Elle Qaddoosennal   Rakaakayitte  Kee  Agat Caddoh   Missoynaani Agatak Agaarad   Gabat Agle Haak   Ummatta  Ugussah  Tan Esseroorah  Sarrimaane  Le Gurral Calli Geytuh  Kaxxa  Doori  Digraanam  Keenik Qambalasimta 

Tengele  Malah Buxa Agatak Agaarad Komishiin Luk Taamitak Geytimaanah  Mangoh Tan Siyaasa Missoynaani  Ajenxa Gaaboysiyyih  Taamat Faxximta Gabat Agle Haak  Geytimaan Yescesse.

Taham  Fanah Agaarad Komishiin Malat Angle Wayte Siyaasa Missoynaani  Kee  Tengeleh Fanak  Cabte  Missoynaani   Ajenxa  Gaabosiyyeh  Taddeerat   Agabat Assagolla Hoonuh   Sittin Gey  Gufeenih Yaniinim  Qaddoose.

Siyaasa Missoynaanki Garbol Anaggayuk Geytimta  Dagoritte   Agaarad  Fanah Amaatuk Taamate Hora Tanfiqeh  Tan  Taaminnam  Faxximta  Axcuk Qaddose.

Agat Caddol  Yambulleh Yan Taqbitte  Yafdigoonuh  Walalak  Akke Waytek  Geeri Doorit Ane Sinnim Ascssuk   Agaarad  Raagate Taqbitteh Calli Aboonuh Kaxxa Doori  Lem Qaddoose.

Siyaasa Missoynaani Dubuk Inkih Tan Itiyoppiyah Ummattah Agatak Agaarad  Komishiinit Faxxiimah Yan Agbah Assagolla Hakak  Agat Tuxxiq Diggoosak Sarrimaane Le Salaam Kee Saay Le Baaxo Giinimtuh  Faxxiimah Yan Door Digraanam  Faxximtam Qaddoose.