Namma rakaakayak Cuggaaneh sittat raqta Tan dariifal salaam xiso kee daddos Fantaaxow maqarroosonuh Taamitak geytiman

 

Addis Ababa Ciggilta kudok  2/2018 (ENA) 

Qafar  kee Amaara Rakaakayak Cugganeenah sittat raqta  dariifal salaam xisne kee daddos fantaaxaw akah maqarroosan  innah Agat  xayloh tuxxiiq  yasmitoonuh digga luk taamitak geytimaanam yiysixxigen. 

 

Namma Rakaakayak Salaam Kee Saay Mirrocti Kee Baxaabaxsa Le wagitta  Dagortitte Cuduud Dariifal  Sarrimaane le  Salaam Kee Daddos Taamoomi Wagittaamal Kompolicha Magaalal Walal Gexsen. 

 

Amaara Rakaakayak Salaam Kee Saay Biiroh Saqal Dr Eshetu Yusuf   Elle Qaddosennal rakaakayak Cugganeena sittat raqta dariifah ummattah sittaliino Nihiritte Maqarroosak Salaam Xisne Kee Daddos Angaaraw Ossotinah Maqarroosaanam Faxximtam Kassiise. 

 

Tohuk Ugut Abak Kulli Rakaakayittek cuduudul Ummattah Tuxxiq Le Salaam Xisne Kee Daddos Taamoomi Fooca Fanah Akah Diggowtannah Abaanam Faxximtam Yiysixxige. 

 

Rakiibô Daddos Kee Baxaabaxsale Ayyuntiino Ayfaf Diggoosoonuh Kee Salaam Dacrisoonuh Fooca Fanah Sitta Lih Taamite loonum Yiysixxige. 

 

Namma rakaakayak cuduuduh sittat raqtah tan dariifal salaam kee daddos caagidil sitta luk taamitak geytimaanam Qafar Rakaakayak Salaam kee Saay Biirok Saqalah yan Komshineer Acmad Cummad qaddoose. 

 

Rakiiboh Daddos Kee Tellemmoh fantaaxaw  Tonnah Ayyuntiinô Caagiidal Baxaabaxsa Le Taamoomi Akkuk Geytimtam Qaddoose.

Namma Rakaakayih  Ummattak Sittaliino  Tuxxiq akah  diggoosanah xisen  le gurral taamitak geytimaanam  Yiysixxige.

Namma Rakaakayak cuggaaneh sittat raqta dariifa  ummattah salaam kee boodu fidga wagittaamal baara le  walal gexseenih yaniinim qaddowte.

 

Salaam Malaakih xeetah yan Dr cheera Getaay ells qaddosennal Itiyoppiyal mangattiinah inkittinaane diggoosak salaam kee saay maqarroosak qadliino le daddos baarisu aboonuh taamitak geytimaanam qaddoose.

 

Itiyoppiyak xaagi Raceena