Itiyoppiyak baadak tellemmoh eglat Tangaluh faxxiimah yan macala akkuk geytima - ciggiila naharsi Malaak Temsegen Terune

 

Addis Ababa  ciggilta kudok 2/2018(ENA)

Itiyoppiyah baadak tellemmoh  eglah adoytiino geytuh faxxiimah yan macala akkuk geytimam ciggiila naharsi Malaak  Temsegen Terune qaddoose.

Itiyoppiyah tellemmoh fantaaxaw ginak fayya le caddo gufsenno inta mablal Baadak tellemmoh eglah gexisit wagittaamal walal gudgud  gexsen. 

 

Warraye malcina alsih addat baxsa luk baadak tellemmoh eglat nangaluh  baxsa le macala yekkeh yanim yescesse.

Qikkiibow  Doolat leh  Maqarle Miraaciinih duddal baaxo caddol akkuk geytima qidaddoh milaagul assakat le xalitte Ambullayuk geytimam qaddoose.

 

Baadak tellemmoh eglah adoytiinol  tellemmo wadibisso baariseleh tellemmo kee investment maqarroosonuh kaxxa doori lem yescesse.

Itiyoppiyah baadak mamgo xisoosak ukkuma sugtem tamixxigeh immah aham fanah baadak tellemmoh eglah adoytiino geyteh ane waytam yescesse.

Ni baaxo baada caddok tellemmoh egla  awltiino geytuh abta macala milaagu geera  dumak baxsa le gurral diggoosak geytimaanam ciggiila naharsi malaak Temsegen tirune qaddoose.

 

Itiyoppiyak xaagi Raceena