Anxaxin Raatih Taddeera Murti Kee Murtisso Dadlisoonuy, Maaqiddi Caabi Diggoosonuh Yakke Macalah Kaxxa Doori Le

Addis Ababa Ciggilta Kudok 2/2018(ENA)

Anxaxin Raatih Taddeera Murti Kee Murtisso Dadlisaanah  Maaqiddi  Caabi Diggosoonuh   Yakke Macalah  Kaxxa Qokol Takkem  Buqre Malaak Qaddoose.

Naharasi Malaak Dr Abiyyi Acmad Uguusul Abbinoosak Geytiman  Anxaxin  Raatih   Taddeera   Baad Caddol  Rosqa Milaagih Kalaluh  Kaxxa  Doori  Digrak   Geytimta  

Ta Taddeera Away Hora  Tuxxiq Akak  Diggoosanah Taamate  Hora Qaago  Takke Abto Kinnih   Taama Saamih  Ginnaanmaay Maaqiddi Caabi   Diggoosanamih Caddpl Kaxxa Doori Digrak  Geytima.

Tonnah Baadak Rosqa Koboxu   Birazilik Belém Magaalal Gexsak Sugeenil  Itiyoppiya  32hytoh Baadak Hawa Kobox  (KOP-30) Akah Arcibissuh   Doorimteh Kassiisen.

Buqre Malaakak Gino Gaddih Daddos Kee Antifiqiyye  Luddak Taama Gexseenay Anxaxin  Raatih  Taddeerak Agatak Metteebanni Makaadoh Kutbe Abeynah Yan Fanuse Mekonnen Elle Qaddosennala Anxaxin Raatih  Taddeera Itiyoppiya Maaqiddi Kibaaliso  Diggoosonuh Abak Geytimta Maclah Kaxxa  Qoklo Akkuk Geytimam Qaddoose.

Warrayye  Malcina Liggiditteh Addat   48 Bilyoonuk Daga Takke Coox Daabiseenih   Tohuk 40 % Gaba Baaxoh Addah Sugeeti  Coox Kinnim Kee Raqtem Baxa Baxsa Le Cooxih   Samaditte  Kinnim Qaddosen.

Anxaxin Raatih  Taddeera  Ballaaqê Dafiyat Yaynukuseenim Kee Buqre Murtisso  Yaysiisoonuh Kaxxa Doori Digirak Geytimta.  

 Warrayte Liggiditte  Maaqiddi Ayfaafah  Yakke Cooxuk  Caxaaxuwaa Kee Caxâ Baxa Edde Anuk Daabisak  Geytimaanam Ascassuk  Buxa Mari Maaqidda  Kee  Culnta Sinnik  Yaysiisoonuh Kaxxa  Doori Lem  Qaddoose

Mangoh   Tan  Luddittel  Baara Le  Taama Saami Ginak  Baxsa  Luk Qunxaaneyta Kee  Sayyoh  Qidaddo  Tuxxiq Dadalisak Geytimam  Qaddoose.

Anxaxin  Raatih  Taddeera Qabar Elle  Boodeh Yan Dariifa Murtisso  Fanah Milaagak  Milaagisak Maaqiddi  Caabi  Isinnik Diggoosoonuh Doori Digirak Geytima.