Qikkiibow Doolat Fantenaani Caddol Umaa Doobil Faxximtah Tan Maaqatta Bayek Agat Caddol Xaloot Ayballayuk Geytiman

Addis Ababa Ciggilta Kudok 1/2018(ENA)

Qikkiibow  Doolat Fantenaani Caddol Umaadoobi Bayisak  Nabah Tan Xalitte Agat Caddol Ayballayuk Geytimaanam Ciggiila Naharsi Malaak  Temsegen Tirune Qaddoose.

22hytoh Baadak Atlaake Sadi Ayro  "Meqem Mariinol Fantenaani Gexsit  Inta Itrol Qadwa Maysoh Kassittol Assakaxxuk Geytimina

Ciggiila Naharsi Malaak Tatruseh Yan Farmol Umaadoobi  Mooral Sinna Kee Fantenaani  Qakuuy Sittat Axwah Tan Xalitte Kinni Axcuk Yescesse.

 

Itiyoppiyah Ta Qaxuma Abto Kalalittuh Tabna Sanatak Naharal Qimbisak Madqa Rakkisoosa Akah Daffeesak Fantenaani  Caddol Siirat Le Gurral Elle Taamitak Geytimaanam Yiysixxge.

Agat Caddol Milaaguk Gamdal  Atlaake Sada Makaado Xisak Baaxo Caddol Umaadoobi Umaane Kalaloonuh Digga Luk  Taamitak Kussaaqisak  Sarrimaane Le Gurral Afkan Elle Daffeesan Gurra Wagittaamal  Uguugsu Taamoomi Akkuk Geytimita.

 Agat  Caddol  Xaloot  Ayballayuk Geytimta  Qikkiboh Doolat  Umaadoobi  Raceenak  Bayissuh  Mangoh  Tanih Taamoomi Abak Geytimaanam  Qaddoose.

Nabah Yan Itiyoppiyak  Asqassaabe Karawwadih Gabakaliyyaay, Kasaarah Addat Sugte  Daddosih Eglaali Ossotinah  Yunkuseh Yan  Mizaaniyyat  Missoysaanam  Qiso Meklaanam Inkih  Yan  Doolat   Umaadoobil Le Sadu Taybulluye Abto Kinni.

 Atlaake Asak Sugeh Yan Ummatta Gadda Gacisaanma  Ahak Dumal Tunkuseh Sugte  Mansoofa  Kibaanma  Qanguntit  Missosaanamih Caddol Assakat Le Taamoomi Elle Tekkeh Tanim Qaddoose.

 Doolat  Ayfaaf Mataccayyo  Wagittaamal Mossub (Koora) Inki Fanteenah Ayfaafih Innah Tan Qusba Siiratih  Gita  Daffesnam   Qidiinoy   Essersemiyyay  Ginnaanam Umaadoobi Kalaloonuh  Taamitak  Geytiman.

 

 Fantenaani Caddol Baaxo Diglo Caddo   Fanah Beyak  Sugteh Tan  Umaadoobi Caddol  Faxximtah Tan   Giclo Elle Akkuk Soolisaanam  Duudumteh Tanim  Qaddoose  

Tonnah  Geeri Kabuki   Umaadoobi Kalaluh   Sarrimaane Le Callih   Horak Meqem Kaban Xisen  Abak  Umaadoobit Qilaksime Sinni  Hora   Ginnoonuh  Taamitak Geytimaanam  Qaddoose.

Meqem Kaban Le  Hora  Xisnaama  Fantenaani  Maknay Missosaanam Umaadoobi  Umaadoobi  Madqa  Focal Xayyoosnuh  Inkih   Digga Luk Elle Nangicillem   Faxximtam   Qaddoose.