Itiyoppiyak Dijital Maaliyyah Meklah Siirat Sissik Dadalat Geytima – Agat Bankih Saqal Dr Eyyub Tekaleng

Addis Ababa; Naharsi Kudok 30, 2018 (Ena)

 Itiyyobiyak Xijital Maaliyyah  Meklah Siirat Sissik Dadalat  Geytimam Agat Bankih Saqal  Dr Eyub Tekaleng  Qaddoose.

Sanat 2026-2030 Fanah Abbinoowele Akak Iyyan Agat Caddol Dijital Meklah Makcagguru Asaaku  Nammay Haytoh Itiyoppiyak Dijital Meklah Konferensil  Ciggiila Naharsi Malak Gifta Temesgen Tiruneh Edde Anuk Doolatak  Fayyale  Mirocti Elle Geytimak  Qaddoose

Agat Bankih Saqal Eyub  Tekaleng (Dr.) Itiyoppiya Xijital  Tabaatabasih Caddol   Sissik  Gurral Dadalak Geytimtam Kassiise.

 

Xijital  Mekelah  Siirat  Kaxxa Oggol  Geyak  Qidaddo  Dadalah  Kaxxa  Doori Lem Baxxaqisak  Itiyoppiyak  Xijital  Caddol Assakat Leh  Yan  Milaagu Abak Geytimitam Asacssuk, Tah  Maaliyyah Luddih  Dadalal  Yaysissikoonuh  Kaxxa Doori Lem  Qaddoose.

Itiyoppiyak Xijital Tabaabasih Caddol  Sissik Daddalah Ayballuk  Geytimtam  Banki  Ta Xayyosiyya  Luddal  Aydaadu Leh Yan Milaagu Aybullayuk Geytiman    Xijital Satqok Ossitinah  Xijital  Mekela Oggola Ossiimak Yamaatem Ahak Asat Kinnim  Yescesse.

 Agatak Rakiibo Daddoosih Meklal  Tekkeh Tan Maysaasa  Taamoomil  Sissikaane Kee Nagayaniina Akak Aysiisuk  Digga Leh Yan Xijital  Maaliyyah Siirat  Yanuh  Rakiibo Daffeesak Geytimaanam Qaddoose

Baarle Xijital Dudda Leh Tan Itiyoppiya Sissik Dadalak  Geytima   Maaliyyah  Fanteena Akkuk Geytimtam Kassiise Tahal Xaloot Le Le Taama Tekkem   Takkay Ikkah Teknologih Guddusiyyal  Coocitte Taniih Sissik  Ayfaafih Dagnaay, Sayber Amnih Bohoyitteh Edde Anuk Gexekalitte  Tanim Yescesse

 Ta  Gexkalitteh  Yafdigoonuh  Doolat Kee Canka Maritte  Sitta Luk  Cattiimak Faxxiimah Yan  Macal Abak Geytimaanam  Qaddoose

 Agatak Xijital Meklah Istraateeji (2026-2030) Maaliyyah Ayfaafayitteh Addat Inkih Yan   Angaaraw  Diggoosak Hadlisso Aydukumusele Axcuk Qaddoose.

Qusba Istraateejih Addat Aamanti Leh  Yan Xijital Meklah Siirat Xisaanamay, Maaliyyah Ayfaafih Xizaayinil Nado Inkigide Akkiyyeh Antifiqiyya Diggoosak  Cuduuduk Tabat Meklah Sittaluk Bica Le Ginnaanam  Kinnim Qassoose. 

Ta Maknay Agat Caddol Oyti Tabsih Xisne Kee Faxxiima Ayfaafayitteh Gufne Akah Baarisan Innah Qokolelem Kassiise.