Qafar rakaakayih caddol doolat efeq maqarroosak caxaaxuwa kee murti daddosih caddol Assakat le xaloot elle yambulle

 

 

Addis Ababa Naharsi kudok 26 Sanat 2018 (ENA)

 

Qafar Rakaakayal Efeq Daddos Maqarroosak caxaaxuwa kee Murti Daddoosih Caddol Assakat le taamoomi akkuk geytimita Qafar Rakaakayih Saqal massakaxxa le cajji Awwal Qarba Qaddoose. 

 

Qafar Rakaakayak Saqal massakaxxa le cajji Awwal Rakaakayak gabbi rasih caddol galaqalu duul-ellaasah daqaaral akkuk geytimita baxaabaxsa le daddos tamoomit gufne abeh yanim Qaddoose.

 

Tam Taddeeral aracal Baxsaluk Galaqali daqaarak Gefrem awdal Investerwa Buqre Abak Geytiman Muuz Caxaaxuwih Ux Waktih Addat muritissoh caddol assakat le taamoomi akkuk geytima. 

 

Ahak dumal muuz buqreh elle akkuk sugtem Qamibxaay, Duul-ellaasay canaruki daqaarih caddok sugte away gersi daqooritih caddol baarisak ginô gadditte sarrimaane le gurral xiqosamak Geytimaanam Qaddoose.

 

Tonnah duma adaqoortih caddol mangom qutbimurtisso abak sugeenim Tohuk xaqut muuz murtissot hangi acayuk taamitak Geytimina. 

 

Qafar baaxo teetil temcowwem tabbixem xiqtaah teetil Taamiteenik xaloot bahtam duddam baaxo kinnim abinah ayballayuk geytimaanah buqre elle matakka inta daalisso milaagak geytimaanam rakaakayak naharsi saqal massakaxxa le cajji Awwal Qarba qaddoose. 

 

Muuz daddoosih caddol Taamitak geytima gifta jibriil cummad isil katuk iyyeeemih 600 Hektaarak Daga Yakke Baaxoh Addal Muuz, Cabcabay Burtukaan Buqre Abeenih yaniinim Qaddoose. 

 

Tahak Ugut Abak Taham Fanah Abah Yanin Daddos Taamah caddol 600 Daga Yakke Marah Taamâ Saami Gineh Yanim Kassiise. 

 

Tahak Ugut Abak Geytimta Daddos Taamoomik makalasimak yawqeenim Kee Maaqiddi caabi Isinnik Duudaanam Kee Ayyunti Mano Milaaguh Abaanah Yanin Macal Kinnim Qaddoysen. 

 

Tam daddos tamooomit tekkk gufnek xaqut coox daaabisiyyeh kee Duul-ellaasah daqaaral karma wakti caxen murti gaabosaanamih taddeera gexseenih yaniinim Rakaakay naharsi Saqal Massakaxxa le cajji Awwal Qarba Qaddoosen. 

 

Tama Daddos taamoomih tekke gufnele Rakaakay Saqalay kalah tan rasi Miroctii kee daqoorit Mirocti elle Geytimte. 

 

#Ityoppiyah_Xaagi_Raceyna